"კვირის პალიტრის" მორიგი ბლეფი – ექსკლუზიური ინტერვიუ უკრაინიდან

  • ირაკლი ლომაია "კვირის პალიტრას" სასამართლოში უჩივის
ცნობილი პარაფსიქოლოგი ირაკლი ლომაია გაზეთ "კვირის პალიტრაში" გამოქვეყნებულ მასალასთან დაკავშირებით უკრაინიდან სკანდალურ განცხადებას აკეთებს და სტატიაში გამოქვეყნებულ ყველა ფაქტს საკუთარი არგუმენტებით პსუხობს. შეგახსენებთ, რომ "კვირის პალიტრაში" დაბეჭდილი წერილის თანახმად ლომაია საქართველოდან გაიქცა, გაზეთმა პარაფსიქოლოგი თაღლითობასა და თანხების მითვისებაშიც დაადანაშაულა. ლომაია ბრალდებებს უსაფუზვლოს უწოდებს და გაზეთის წინააღმდეგ სასამართლოში ჩივილს გეგმავს.

ირაკლი ლომაია: დავიწყოთ იმით, რომ ამ წერილის ავტორის დასაცინი ნამდვილად არ არის არც სენაკი და არც სენაკელი ბიჯი। არ მგონია თვითონ პარიზელი არისტოკრატი იყოს. მისგან განსხვავებით მე თბილისში დავიბადე და გავიზარდე. რაც შეეხება "პარაფსიქოლოგიის მამას" - ეს ტიტული, რომელიც ჩემთვის შეუფასებელი და საამაყოა, ხალხმა მომანიჭა. როგორც ჩანს ქ-ნი ხათუნა მწყრალად უნდა იყოს ქართულ გრამატიკასთან, რაც მისი პროფესიის პატრონს ნამდვილად არ ეპატიება. იქნებ ამიხსნას, რას ნიშნავს სიტყვა "აითესა"? ჩემი პროფესიიდან გამომდინარე, პირველი შემთხვევა არ გახლავთ როცა ქვეყნიდან გავსულვარ, რადგან ხშირად მიწევს მოგზაურობა სხვადასხვა ქვეყნებში პაციენტებთან. თქვენი აზრით ადამიანი, რომელიც მსგავს პროფესიას ემსახურება და საქმე მოითხოვს მის სხვა ქვეყანაში გამგზავრებას "ათესვას" და ქვეყნიდან გაპარვას ნიშნავს? აქვე მინდა ავღნიშნო, რომ ავტორი თითქოს შეწუხებულია ჩემი პირადი პრობლემებით, რასაც არ ასაბუთებს. თითქოს ეს კრიმინალი იყოს. იქნებ მეც ჩამაყენოს საქმის კურსში ჩემს პრობლემებთან დაკავშირებით? არ მესმის ავტორი რატომ აყენებს შეურაცხყოფას პატრიარქის სიტყვებს, რომელითაც მან ნამდვილად მომმართა და რასაც მრავალი მოწმე ყავს. რაც შეეხება იეროგლიფებს და სხეულზე გამოსახულ ჯვრებს, კარგი იქნებოდა, რომ გაცნობოდა ჩემს სამეცნიერო ნაშრომს ,,სიცოცხლის წყურვილით~. რომელშიც ფოტოებზე ასახულია ყველაფერი.

რაც შეეხება პარაფსიქოლოგიური ცენტრის გახსნას, უკაცრავად, მაგრამ თვითონვე უშვებს გაუთვითცნობიერებელ შეცდომას სადაც წერს, რომ თურმე თავად ბრძანდებოდა და დაუკავებია რიგი ჩემთან შესახვედრად. მინდა დავეხმარო მას და მივუთითო სად და ვის მიმართოს იმის გასარკვევად, არსებობს თუ არა მსგავსი ლიცენზია და რატომ არავინ დაინტერესდა ამის შესახებ ჩემი მოღვაწეობის 9 წლის მანძილზე, ან არსებულ ლიცენზიაში თბილისის "საქპატენტ"-ში რატომ მახდევინებდნენ საკმაოდ სოლიდურ გადასახადს? ძალიან ძნელია პარაფსიქოლოგიის ამ დარგში ჩაუხედავი და გაუნათლებელი რიგითი ჟურნალისტისთვის, როგორიც ხათუნა პაიჭაძეა (თუ ეს ნამდვილი სახელი და გვარია) ყოველი სამკურნალო მეთოდების განმარტება და მითითების სწავლა წერილობით. ამისათვის საჭიროა შესაბამისი განათლება და ლიტერატურის წაკითხვა, რაც ჩვენი "გენიოსი" ჟურნალისტის ცენტრალურ ნერვულ სისტემას ნაკლებად ახასიათებს. იქნებ ისიც უარყოს, რომ პარაფსიქოლოგიის სამეცნიერო და კვლევითი უნივერსიტეტები ევროპის სხვადასხვა ქვეყნებში საკმაოდ აპრობირებულია და რომელიც მე, სხვათაშორის, წითელ დიპლომზე მაქვს დამთავრებული და ამის დამადასტურებელი ფაქტი დიპლომების გარდა ჩემი 40.000 პაციენტია.ის ფაქტი, რომ მე თვითოეული პაციენტისგან 236 ლარს ვიღებდი და ეს კრიმინალია, მაშინ დამისახელოს თანხა, რასაც პაციენტები კლასიკურ მედიცინაში იხდიან, თუნდაც ერთი ვიზიტის შემთხვევაში. დამისახელოს სამედიცინო დაწესებულება, რომელიც ჩემი ორგანიზაციისაგან განსხვავებით, დასაბუთებულ და წერილობით მკურნალობის გარანტიას აძლევს პაციენტს. მეტიც. განუკურნელობის შემთხვევაში ვინმე უბრუნებს პაციენტს გადახდილი თანხის 80%-ს? არც ის ვიცოდი თუ პაციენტებისაგან ნებართვა უნდა ამეღო, რომ წელიწადში ერთხელ მეც დავისვენო. ყველაზე საინტერესო და სახალისო კი ის გახლავთ, რომ თურმე ამ ქალბატონს დაურეკავს და უთხოვია ჩემთან შეხვედრა და უანგარო დახმარება, რაც არცერთ სამედიცინო დაწესებულებაში და მითუმეთეს შეზღუდული პასუხისმგებლობის ორგანიზაციაში კი არა, სამთავრობო დაწესებულებაშიც არ ხდება. თუ მისი ნათქვამი სინამდვილეს შეესაბამება და მორიგ ინტრიგასთან არ გვაქვს საქმე, რომ მან დახმარებასთან დაკავშირებით დარეკა და ყურმილი დაუკიდეს, არანაირად არ ესადაგება სინამდვილეს, რადგან მსგავსი შემთხვევები მრავლად ყოფილა და მენეჯერები მას აუცილებლად შესთავაზებდნენ გარკვეული განცხადებისა და თხოვნის წერილობით მიმართვას, რასაც მე ყოველთვის რეზოლუციას ვადებ. ამის დამადასტურებელი დოკუმენტები დღესაც ინახება არქივში. სადაა ლოგიკა? მითუმეტეს თუ ჩვენ არ ვიყავით ინფორმირებული მის განზრახვაზე, რატომ დაუკიდებდნენ ყურმილს? თქვენი აზრით რაღა ამ უკანასკნელს ერგო დახმარებაზე უარყოფითი პასუხი?

-სასამართლოში ჩივილს გეგმავთ?

-რიგითმა ჟურნალისტმა, როგორი გაუნათლებელიც არ უნდა იყოს, აუცილებლად უნდა იცოდეს კანონი, რომ ცილისწამებისთვის სასჯელია და საკმაოდ მკაცრი। ქვეყნიდან გასვლა, დანაშაული არ არის და თუ ლოგიკურად მიუდგებით საკითხს, ძებნილ პიროვნებას საზღვრის გადალახვის და სხვა ქვეყანაში მუშაობის, სწავლის, კვალიფიკაციის ამაღლების, ნორმალური გადაადგილებისა და მოღვაწეობის უფლებას არ აძლევენ. რაც შეეხება მის დაინტერესებას ჩემი გაუჩინარებისა და ადგილმდებარეობის შესახებ, დაინტერესებული პირი ჯერ ოჯახს მიმართავდა, შემდეგ კი ნაცნობებსა და მეგობრებს. მაგ. ქ-ნი ეთერ კაკულია რომელსაც თურმე ჩემი საქმიანობის არ სწამს, ამავდროულად სურს ყავდეს ხალხის დასანახად გავლენიანი მეგობარი?

აუცილებლად შევიტან სარჩელს გაზეთ "კვირის პალიტრის"წინააღმდეგ, და პასუხს ვაგებინებ რედაქციას ცილისწამებისთვის და შეურაცყოფისთვის.

-სტატიაში თქვენს სამუშაო ოფისზეც არის საუბარი.

-შთაბეჯდილება ჩემი მისაღები დარბაზის გამო, რომელიც ასე მწვავედ დარჩა ჟურნალისტის მეხსიერებაში, თურმე მან იხილა უამრავი ცნობადი სახეებისა და პატრიარქის სურათი, რაც სიყალბეა პატრიარქთან დაკავშირებით, რადგან მასთან სურათი სამწუხაროდ არ გამაჩნია. თუ საქმე, ჩემი სახით, თაღლითთან გაქვთ, როდესაც პატრიარქმა მიმიღო და დამლოცა, ვისარგებლებდი შემთხვევით და ვთხოვდი სურათის გადაღებას, რაზეც დარწმუნებული ვარ მისი უწმინდესობა უარს არ მეტყოდა.
ცილისწამებაა ისიც, რომ ჩემს მისაღებში თურმე სხედან დაქირავებული ადამიანები, რომლებიც ხალხის გასაგონად აქებენ მკურნალს, ანუ მე. რა ძლიერი პიროვნება ვყოფილვარ, თუ ასეთი ხალხი 9 წლის მანძილზე ყოველდღიურად იმეორებდნენ ჩემს საქებარ ტექსტს. საიდან ქ-ნო ხათუნა ასეთი სახალისო ფანტაზია? მინდა პატარა განმარტება შემოგთავაზოთ: როდესაც საქმე გვაქვს მედიცინასთან, ექიმთან მისულ ადამიანს ქვია პაციენტი და არა კლიენტი. ამისათვის გირჩევთ გაეცნოთ შესაფერის ლიტერატურას.
კიდევ ერთხელ მინდა მივმართო ჟურნალისტ ხათუნა პაიჭაძს: ვერ ვხედავ ლოგიკას თქვენს მონათხრობში, სადაც წერთ, რომ უამრავი პაციენტი მყავდა, რომლებიც თვეობით იდგა რიგში. ხომ ვერ მეტყვით, რაღად მინდოდა დაქირავებული ხალხი ჩემს საქებრად? შემაძრწუნებელი და მართლაც ამაზრზენია თქვენი აზროვნება იმის თაობაზე, რომ დედას თურმე ვპირდები გარდაცვლილი შვილის სულთან შეხვედრას. რაც შეეხება სითხეს, რომელიც თქვენ სამწუხაროდ, თუ საბედნიეროდ არ გეღირსათ, არანაირად არ არის "სასწაულმოქმედი", როგორც თქვენ ბრძანებთ. ვინ მოგცათ უფლება ჩაერიოთ ექიმის სამკურნალო პროცესებსა და მეთოდებში, თუ თქვენ არ ხართ ამ საქმის სპეციალისტი? ცნობისათვის, ჩემთან მოსულ ადამიანებს, თქვენგან განსხვავებით, ქონდათ რწმენა და სჯეროდათ ჩემი. თქვენი მსგავსი თაღლითი და ყალბი პაციენტი ნამდვილად არასოდეს მყოლია. ალბათ ამიტომაც არ ინება ღმერთმა ჩვენი შეხვედრა.
საიდან გაქვთ ნორმალურ ოჯახში აღზრდილ ქალბატონს ამდენი ჟარგონი? როდესაც თქვენ სადმე მიემგზავრებით, "ითესებით"?
ნორმალურ ქვეყანაში თაღლითი და ფულის გამომძალვევი ადამიანი, რომელსაც თქვენი სიტყვებით დიდი ქონება გააჩნდა, საკუთარ ბინას და ავტომობილებს ბანკის სესხით არ შეიძენდა და მერე არ გაყიდდა। როდესაც საკუთარ ქვეყანაში ახალგაზრდა მეცნიერს სამჯერ გაიტაცებენ, ორჯერ მოსტაცებენ შვილს და ერთხელ მოწამლავენ-დამეთანხმება მკითხველი, რომ ასეთი ადამიანი ყოველთვის ეძებს გამოსავალს და ისეთ ქვეყანას, სადაც მისი ნიჭი სათანადოდ დაფასდება. ყოველივე ამის შემდეგ ავტორი სვავს ფრიად უაზრო კითხვას – სად გაქრა ,,პარაფსიქოლოგიის მამა,,? ნათელია, რომ გაქცეული, დამალული და ძებნილი ადამიანი თქვენს ცილისმწამებლურ, ირონიულ და ღვარძლით სავსე წერილს არ გამოეხმაურებოდა.

ყველაზე სასაცილო და ამავდროულად უაზრო წინადადებამ გამაოცა। ეტყობა კარგი იუმორის გრძნობა გაქვთ, ამდენ საჯაროდ ლანძღვასთან და შეურაცხყოფასთან ერთად წერთ, რომ არასოდეს არცერთ პაციენტს ჩემთვის ჯერ არ უჩივლია და უმეტესობა თურმე ჩემს მზესაც კი ფიცულობს. ხომ ვერ მეტყვით, რატომ? ერთ რამეში გეთანხმებით. სოფლიდან ჩამოსული უსუსური, უპატრნონო ახალგაზრდისთვის მართლაც არ არის იოლი დიდ ასპარეზზე გასვლა, რაც თავდაუზოგავი შრომის, წვალების, სწავლისა და უძილო ღამეების შედეგია, რითაც მე, თქვენგან განსხვავებით, დღემდე ვამაყობ. ჩემი სწავლა-განათლებისა და ცხოვრების გზა ნამდვილად არ ყოფილა ია-ვარდებით მოფენილი მხოლოდ ღმერთია ყველაფრის შემფასებელი და დამნახავი. რამდენი სიკეთეც დამითესია და ხელი გამიწვდია გაჭირვებული ადამიანებისთვის, ამისი დამნახავიც ღმერთია და მე მარტო ამ ხალხის ლოცვა-კურთევა მეყოფა მთელი ცხოვრების მანძილზე.

-გაზეთში დავით ზურაბიშვილის საკმაოდ სკანდალური კომენტარიც დაიბეჭდა სადაც ის თქვენ ირიბად თაღლითს გიწოდებთ...

-მას ასე ვუპასუხებდი: ბატონო დავით! ჩემთან არაერთი პაციენტი მოსულა თქვენი გამოგზავნილი, რომლებიც მეუბნებოდნენ, რომ თქვენივე თხოვნით, არ გაემხილათ, რომ თქვენგან იყვნენ მოსულები, რაშია საქმე? ახალგაზრდა სპეციალისტის პაციენტთა დიდმა რიგებმა აგაფორიაქათ კლასიკური მედიცინის წარმომადგენლები, რომლებიც გარკვეული წლების წინ ჩემი გაქრობის მცდელობასაც კი გეგმავდნენ? თქვენგან ცილის წამებაა ის, რომ მე თურმე ყველა დაავადებას ვკურნავ მაშინ, როდესაც ჩემი პასუხი სრულიად სხვა იყო। მე განვმარტე, რომ ვკურნავ იმ ადამიანთა კატეგორიას, რომლებიც ექვემდებარებიან ჩემი მკურნალობის მეთოდს და თქვენგან განსხვავებით, პაციენტებს არ უნიშნავ ერთი და იგივე მედიკამენტს, როგორიცაა ლუმინალი და სხვა ძლიერი დამამშვიდებელი მედიკამენტები და როდესაც შედეგს ვერ ნახავს, არ ვეუბნები, რომ ორგანიზმი ინდივიდუალურია. ეს სიტყვები თქვენგან მოსული პაციენტებისაგან არაერთხელ მომისმენია. ალბათ გახსოვთ ჩვენი დიალოგი გადაცემა "ტაბუ"-ს შემდეგ. თქვენ ბრძანეთ: "მე მწამს და მჯერა თქვენი მეთოდების, მაგრამ ეს რომ საჯაროდ ვაღიარო, მერწმუნე სამსახურიდან დამითხოვენო" რასაც მოწმედ ესწრებოდა ერთ-ერთი ცნობილი ქალბატონი. მკითხველმა განსაჯოს, სად არის სიყალბე ტრადიციულსა და არატრადიციულ მედიცინას შორის?!

რაც შეეხება კითხვას, სადაც ავტორი ამბობს, რომ მან მიმართა ჯანდაცვის სამინისტროს, რათა გაერკვია ჩემი ლიცენზიის არსებობის შესახებ, მიღო უარყოფითი პასუხი। ტრადიციული და არატრადიციული მედიცინა რადიკალურად განსხვავდება ერთმანეთისაგან. კლასიკური მედიცინის მუშაკზე გაიცემა ჯანდაცვის სამინისტროს ლიცენზია. არატრადიციული მედიცინა კი, რასაც პარაფსიქოლოგია ქვია, ლიცენზიას გასცემს საქართველოში, კერძოდ თბილისში ჭავჭავაძის I-ჩიხი #6 –ში არსებული დეპარტამენტის საპატენტო რეესტრის სექტორის უფროსი თ. ნანიკაშვილი, რომლის სახელწოდებაა - ინტელექტუალური საკუთრების ეროვნული ცენტრი ,,საქპატენტი,, როგორც ერთადერთი დამაარსებელი პარაფსიქოლოგიური ცენტრის ამიერკავკასიაში, როგორც ბიო-ენერგეტიკოსი და ხომერიკის სკოლის ერთ-ერთი კურსდამთავრებული, გაცემულია ჩემზე ეს ლიცენზია. პროფესიონალმა ჟურნალისტმა ასეთ შემთხვევაში უნდა მიაკითხოს დანიშნულების ადგილს, რამეთუ ეს იგივეა, რომ ფეხმძიმე ქალი გინეკოლოგის ნაცვლად მივიდეს ვეტექიმთან ან დავით ზურაბაშვილთან. ასეთი სავალალო შეცდომების შედეგად, ჩვენმა "პროფესიონალმა" ცნობისმოყვარე, "გამომძიებელმა" -ჟურნალისტმა "საქპატენტის" ნაცვლად მიაკითხა ჯანდაცვის სამინისტროს...

-მასალის ავტორთან ადრე რაიმე სახის შეხება ხო მარ გქონიათ?

-არა. ჩემთვის გაუგებარია საიდან აქვს ამდენი ბოღმა? საიდან ამდენი ტყუილი? საიდან ამდენი გესლი? რა პასუხები გაქვთ იმ 86-ი ბავშვისათვის, რომლებიც ჩემი მკურნალობის შედეგად მოევლინენ ქვეყანას და ყველა ჩემი ნათლულია? რა პასუხები გაქვთ იმ ავადმყოფებისათვის, რომლებიც წლობით იყვნენ საწოლს მიჯაჭვულნი და დღეს ჯანმრთელად აგრძელებენ ცხოვრებას? თქვენს ადგილას მე ღმერთს ავხედავდი და პატიებას ვთხოვდი. ალბათ მარტო მე არა ვარ თქვენი კალმის "მსხვერპლი" როგორც სპეციალისტი, მინდა გამცნოთ, რომ თქვენ ძალზედ დაბინძურებული აურა გაქვთ, რაც აუცილებლად აისახება თქვენს მომავალ ცხოვრებაში. განვმეორდები: ცილის წამება უდიდესი ცოდვაა! ღმერთი იყოს თქვენი მსაჯული!

p.s.საგამომცემლო სახლი "ღია ბოქლომი" მხარდაჭერას უცხადებს ბატონ ირაკლი ლომაიას. სამეგრელოს მოსახლეობის დიდი ნაწილი მოწმეა მის მიერ განხორციელებული უამრავი კეთილი საქმის, რისი ჩამოთვლაც შორს წაგვიყვანს, ამიტომ მიუღებლად მიგვაჩნია კოლეგების მიერ პროფესიონალ და კეთილ ადამიანზე მსგავსი ცილისმწამებლური მასალების დაბეჭდვა.

ირაკლი ლომაიას მადლიერი პაციენტებიც, რომ მრავლად ჰყავს ამას ისიც მოწმობს, რომ დღეის მდგომარეობით ჩვენს რედაქციაში პარაფსიქოლოგისადმი სმადლობელი წერილები უწყვეტად შემოდის...

ამ ინტერვიუს მომზადება ისევ–დაისევ რედაქციაში შემოსულმა წერილებმა და გულთბილმა სატელეფონო ზარებმა გადაგვაწყვეტინა სადაც მოსახლეობა ირაკლის მიმართ პატივისცემას გამოხატავდა და "კვირის პალიტრაში" გამოქვეყნებულ ღვარძლიან სტატიას ბინძურ პროვოკაციად აფაებდა, რესპოდენტების თქმით გავრცელებული ცილისწამებით სახელი "კვირის პალიტრას" შეელახა და არა ირაკლი ლომაიას, რომელმაც საზოგადოების ნდობა და სიყვარული დიდი ხანია მოიპოვა. როგორც ჩანს დედაქალაქში გარკვეული პირები დაინტერესებული არიან "ჩაძირონ" მართალი ადამიანი და წარმტებული პარაფსიქოლოგი ირაკლი ლომაია. თუმცა ქვეყანა ჩალით გადახურული ნამდვილად არ არის და სიმართლეს ფასი არასოდეს დაეკარგება.

  • p.p.s. აღსანიშნავია, რომ ზემოთმოცემულ სტატიას, რომელიც ძალიან პოპულარულია და ასობით ადამიანმა უკვე წაიკითხა დღეს გამოხმაურება მოჰყვა: გაზეთ "კვირის პალიტრის" რედაქციიდან შემოვიდა წერილი სადაც გაზეთის წარმომადგენლები გვაყენებდნენ შეურაცყოფას და ირონიული ტონით გვეკითხებოდნენ თუ რამდენი გადაგვიხადა ლომაიამ წერილის გამოქვეყნებისთვი. ვაი თქვენს თავს მეტიჩარებო! ფულის მეტს, რომ ვერაფერს ხედავთ...

[ ესაუბრა ილია ჩაჩიბაია]

[ ... ]

ზე–სკანდალი: „ ეკა კვალიაშვილი არის ცირკის ბო..ი

ირაკლი ლომაია: „კვალიაშვილს საჭმლის ფული არ ქონდა და მე მთხოვდა... “

ცნობილი პარაფსიქოლოგი ირაკლი ლომაია უკრაინიდან, სენსაციურ თემებზე ალაპარაკდა. „ღია ბოქლომისთვის“ მიცემულ ექსკლუზიურ ინტერვიუში, ლომაია ქართული ესტრადის საკმაოდ პოპულარულ სახეს, ეკა კვალიაშვილს უპირისპირდება. „პარაფსიქოლოგიის მამა“, რომელზეც ერთ–ერთ წამყვან გაზეთში ერთი კვირის წინ ცილისწამებლუური მასალა დაიბეჭდა ამბობს, რომ კვალიაშვილმა არად ჩააგდო მისგან მიღებული „ფულები“ და ჟურნალისტებთან საუბრისას ირაკლი ლომაიასთან ყოველგავრი კავშირი უარყო. ინტერვიუში საუბარია, რამოდენიმე სკანდალურ ფაქტეზე, რომელიც პოპულარული მომღერლის ცხოვრებას და კარიერას უკავშირდება.


ირაკლი ლომაია: კვალიაშვილის მეგობარი არის ის ვისაც ბევრი ფული აქვს. როგორც მივხვდი, მეგობრად მაშინ მთვლიდა, როდესაც ფულიანი ვიყავი. ჩემთვის წარმოუდგენელია, როგორ უბრუნდება ეკა კვალიაშვილს ენა?! როდესაც ამბობს, რომ ჩემთან არ მეგობრობდა. არაერთხელ დაბეჭდილა მისი კომენტარები, სადაც ამტკიცებს, რომ ძალიან ვუყვარვარ და კარგი პიროვნება ვარ. ნუთუ არ რცხვენია?! პირდაპირ ვიტყვი, ამ ქალს მე შევარქმევდი – ცირკის ბო...ს (ცენსზურა ჩვენია. რდ). კვალაიაშვილს არ დაუტოვებია არც ერთი კაცი თბილისში, რომელთანაც არ დაუმყარებია სექსუალური კავშირი. გველის წიწილი მყოლია უბეში და არ მცოდნია.


ბომონდის წარმომადგენლები, ხომ ყველა ჩემს მზეს იფიცებოდნენ, როდესაც ფულებით ვავსებდი, ახლა სხვებზე არაფერს ვიტყვი, რადგან ჩემთან მეგობრობა მათ არ უარყვიათ, მაგრამ თუ საჭირო გახდება ყველაზე შემიძლია ძალიან ბევრი ვისაუბრო.

ბატონო ირაკლი, როგორც შევიტყვე, კვალიაშვილს ძვირადრირებული საჩურებითაც „ანებივრებდით“...


–კვალიაშვილისგან არაფერია გასაკვირი. იმ ბო…მა საქართველოში კაცი არ დატივეს. საზოგადოებამ იცოდეს რა ბ...იც არის. მას სხვაზე სათქმელი რა აქვს?! ყველას ტ..კში უძვრებია. მაშინ კარგი ირაკლი ვიყავი როდესაც კვალიაშვილს საჭმლის ფული არ ქონდა და მე მთხოვდა. ბევრჯერ მიმიცია 500 და 1000 დოლარები. ის მათხოვარი! ღმერთი არ შეარგებს რაც მე მისთვის ოქროს და ბრილიანტის სამკაულები მიჩუქნია. ვითომ ქველმოქმედებას ვეწევიო და ფულებს მთხოვდა არადა ქველმოქმედი კი არა ბო..ი ყოფილა. მოსკოვშიც ყველასთან იწვა და ყვალას ფულს სთხოვდა. ვისი და ვისი ვალები აქვს თვითონაც არ იცის. კვალიაშვილი საქართველოში ხალხს ატყუებდა მოსკოვში მაგარი წარმატებული ვარო და ლამისაა ხალხმა კვალიაშვილი-პუგაჩოვას დუეტიც დაიჯერა. არადა სამათხოვროდ იყო ჩამოსული და საქართველოში დასაბრუნებელი ფული არ ქონდა და მე მთხოვდა. განა ყველამ არ იცის ის ნა..ზვარი წვეულებებზე სულ სხვადასხვა საყვარლებით რომ დადის და მათ ნათლულებად რომ ასაღებს. ასეთმა რა უნდა ილაპარაკოს ჩემზე. ის არ ახსოვს ლელა წურწუმიაზე რეეს ამბობდა? ვითომ ლელა სულ კვალიაშვილის დანაზოგით დადიოდა საზღვარგარეთ კონცერტებზე. სხვაზე რა უნდა ილაპარაკონ კვალიაშვილისნაირმა მეძ...მა. მათ რაც გამოაქვეყნა ჩემზე შემიძლია მე უარესი გავაკეთო. რამდენიმე ვიდეომასალაც მაქვს სადაც კვალიაშვილი თავის ბო..ბას ამტკიცებს.

საზოგადოებამ უნდა იცოდეს ვინ ვინ არის. ნუთუ დაავიწყდა კვალიაშვილს ბადრი პატარკაციშვის ფულებს, რომ ახევდა.

–ამ სკანდალური განცხადების შემდეგ ალბათ თქვენი ურთიერთობა დასამარდება.


–ის კი არ დავკარგე მე, პირიქით მე დამკარგა მაგ ნაბო...მა. ბედნიერი ვარ რომ ასეთი უღირსი ადამიანი მოვიშორე.


ეკა კვალიაშვილს ტელეფონი (877711106) გამორთული აქვს. შესაბამისად მის საპასუხო კომენტარს ვერ გთავაზობთ.


[მოამზადა, დაჩი კვიკვინიამ]

[ ... ]

ვის შეიძლება ეწოდოს ცხოვრების იდეალი...

წინასწარ არავინ იცის, განგება ვის რას უმზადებს და ცხოვრების იერარქიული კიბის რომელ საფეხურზე გააჩერებს. ამქვეყნად ღვთის ნების გარეშე არაფერი ხდება, მაგრამ არიან ადამიანები, რომლებსაც დაბადებისთანავე გამოარჩევს უფალი. მათ განსაკუთრებული თვისებები გააჩნიათ და საზოგადოებაში გარკვეული ადგილიც უჭირავთ. დამეთანხმებით, რომ ერთია სურვილი, მეორე კი თავდაუზოგავი შრომა მიზნის მისაღწევად. 

ალბათ, კვარცხლბეკზე ასვლაც სწორედ ასეთი ადამიანების ხვედრია. ზოგიერთი თითქმის მთელ ცხოვრებას ანდომებს დასახული მიზნის მიღწევას, ზოგს ეს ძალიან ადვილად გამოსდის, მაგრამ ის, რომ ადრეულ ასაკში გახდე პოპულარული და გქონდეს დამოუკიდებლად მოქმედების არეალი, ვფიქრობ, პატარა საქმე არ გახლავთ. ,,ცხოვრება ერთხელ აძლევს შანსს თითოეულ ჩვენგანს, მთავარია, ეს შანსი სწორად გამოვიყენოთ-, ამბობს გაზეთ "კამარა"-ს დამფუძნებელი და გენერალური დირექტორი, ბატონი ირაკლი ლომაია, რომელიც მართალია, თავის თავს ქუდბედიანს უწოდებს, თუმცა, რა თქმა უნდა, მხოლოდ ბედისწერას არ შეუძლია ადამიანის მომავლის განსაზღვრა. ღირსეული და ამავე დროს გამორჩეული ადგილის დასამკვიდრებლად დიდი მნიშვნელობა სწორედ ადამიანის თვისებებს ენიჭება. ირაკლის, ხასიათის განსაკუთრებული შტრიხები ბავშვობიდან დაჰყვა. მიუხედავად ასაკისა, მან ბევრი მოასწრო და გააკეთა. აკეთებს დღესაც და წინ დიდი გეგმები აქვს. საკმარისია, ერთხელ გაესაუბრო მას, რომ მიხვდე, თუ რაოდენ საინტერესო და მრავალმხრივი ნიჭით დაჯილდოებული ადამიანია, რომელსაც აინტერესებს ყველაფერი, რაც უმაღლეს ხარისხშია აყვანილი. 

შევეცადე რამოდენიმე კითხვა დამესვა ირაკლისთვის და დაახლოებით მაინც გამეგო მისი შინაგანი სამყარო. სამყარო, რომელიც აბსოლუტურად რეალური აღმოჩნდა, თამამად შეიძლება ითქვას, რომ ირაკლი ლომაია თავისი შეხედულებითა და ქმედებებით ევროპელია, თუმცა, ამავდროულად, ტრადიციული ქართული ოჯახის მამა და მეუღლეა. 

ირაკლი ლომაიაზე, როგორც პარაფსიქოლოგსა და მკურნალ-ექსტრასენსზე უკვე ბევრი რამ თქმულა და არაერთხელ დაწერილა ქართულ და უცხოურ პრესაში. იგი პარაფსიქოლოგთა თანამედროვე სკოლის ერთ-ერთი წარმატებული წარმომადგენელია, რომელიც თითოეული პაციენტისადმი ინდივიდუალური მიდგომით გამოირჩევა. ბოლო წლების განმავლობაში ცნობილმა ექსტრასენსმა კვალიფიციური დახმარება 35 ათასამდე პაციენტს გაუწია. ინფორმაცია მისი უნიკალური უნარისა და იშვიათი შესაძლებლობების შესახებ დიდი ხანია გასცდა საქართველოს ფარგლებს. 

ირაკლი ლომაია მკურნალობს ისეთ მძიმე დაავადებებს, რომლის წინაშეც ტრადიციული მედიცინა უძლურია. თუმცა ეს მისი საქმიანობის ძირითადი მიმართულება როდია. ირაკლი ლომაიას პაციენტები არიან რიგითი ადამიანები და საზოგადოებისთვის ცნობილი სახეები. მკურნალობა ხორციელდება როგორც ფოტოებით, ისე პირადი ურთიერთობებით. სხვა მეთოდებისგან განსხვავებით, სამკურნალო პერიოდში პაციენტი დაზღვეულია დისკომფორტისგან. ადამიანის ჯანმრთელობასა თუ მისი სხვა პრობლემების კომპლექსური გადაწყვეტისკენ მიმართული სრული კურსი ყველასთვის ხელმისაწვდომი და, რაც მთავარია, შედეგიანია! 

ირაკლი ლომაია ამზადებს სპეციალურ მცენარეულ მედიკამენტებს. ერთ-ერთს, სიმსივნის საწინააღმდეგო პრეპარატს, ევროპის ქვეყნებში კარგად იცნობენ და ფართოდ იყენებენ. 

უწყვეტი პრაქტიკული საქმიანობის გარდა, ირაკლი ლომაია სამეცნიერო-კვლევით საქმიანობასაც ეწევა. არც ისე დიდი ხნის წინათ გამოიცა მისი წიგნის პირველი ტომი კარმულ დიაგნოსტიკაზე, რომლის სახელწოდებაა- ,,სიცოცხლის წყურვილით- და მაშინვე დაიმსახურა გერმანელი კოლეგების მაღალი შეფასება. 

გადავწყვიტეთ, ირაკლი საზოგადოებისთვის მისი პროფესიული საქმიანობის გარდა სხვა კუთხითაც დაგვენახა, ანუ როგორი პიროვნებაა 24 წლის ირაკლი ლომაია ოჯახში, მეგობრებთან, სამსახურში და საერთოდ, ყოველდღიურ ცხოვრებაში, რაშიც მისი მეუღლე ქალბატონი ელისო ტორჩინავაც დაგვეხმარა. 

ირაკლი: - მიმაჩნია, რომ ნებისმიერი ადამიანის მომავალი მისი გაჩენისთანავე არის განსაზღვრული და გადაწყვეტილი. ადამიანის პიროვნებად ჩამოყალიბებაში უდიდესი წვლილი ოჯახს მიუძღვის, მაგრამ საქმიანობას, პროფესიას და საერთოდ, საზოგადოებაში ადგილის დამკვიდრებას, ღვთის ნებასთან ერთად განსაკუთრებული თვისებები სჭირდება, ყველას აქვს გარკვეული მიზანი და სხვადასხვაგვარად ესმის ცხოვრების სიავკარგე. ბევრჯერ შემხვედრია ისეთი ადამიანები, რომლებმაც პატარა ასაკში ბევრ რამეს მიაღწიეს, რაც ვფიქრობ, სწორად დასახული მიზნის შედეგი გახლავთ. ამავე დროს, უდიდესი მნიშვნელობა აქვს, თუ რა დოზით აიღებ საკუთარ თავზე პასუხისმგებლობას და მოვალეობას, რადგან ცხოვრება მოულოდნელობებითაა სავსე რომელიც ერთხელ გაძლევს შანსს, რაც აუცილებლად სწორად უნდა გამოიყენო. მიმაჩნია, რომ ქუდბედიანი ვარ, რადგან რასაც მიზნად დავისახავ, ადრე თუ გვიან, აუცილებლად გამომდის. ჩემი ისტორია საქართველოშიც და მის ფარგლებს გარეთაც ბევრისთვისაა ცნობილი. მოკლედ რომ გითხრათ, გასული საუკუნის 90-იანი წლების ბოლოს სენაკში ვცხოვრობდი. მოხდა სასწაული, ჩემს ხატებს მირონი სდიოდა, სხეულზე ჯვრები მესახებოდა და მირონდენა თვითონაც მქონდა. ამ მართლაცდა სასწაულის შემდეგ ჩემი ცხოვრება რადიკალურად შეიცვალა. ბუნებრივია, ამ ყველაფრით დავინტერესდი და ალბათ, უცნაურიც იქნებოდა, რომ არ დავინტერესებულიყავი. თუმცა, იმის შეცნობა, თუ რატომ დაემართა ეს მაინცდამაინც ირაკლი ლომაიას და არა სხვას, დღესაც რთულია. ფაქტია, ეს რომ არ მომხდარიყო, არც უცხოეთში წავიდოდი სასწავლებლად. მაშინ ჯერ კიდევ მეგონა, რომ ნეიროქირურგი გავხდებოდი, ექიმობაზე ვოცნებობდი... დღეს კმაყოფილი ვარ, რომ პარაფსიქოლოგი გავხდი და, რაც მთავარია, ჩემთან ერთად ხალხიც კმაყოფილია. 

- რამდენად სპონტანურად იღებთ გადაწყვეტილებებს? 

- ხშირად ამა თუ იმ საკითხთან დაკავშირებით გადაწყვეტილება სპონტანურად მიმიღია, რაც შემდგომ გარკვეულ წილად მინანია, მაგრამ ბევრი სერიოზული საქმეები, ყოველთვის დადებითად გადამწყდარა. უცბად არაფერი გამომდის, თუმცა, როდესაც საქმეს სჭირდება, ოლიმპიური სიმშვიდით ველოდები. 

-ელისო, თქვენი აზრით, რამდენად ჩქარია ბატონი ირაკლი საქმეში? 

-გადაწყვეტილების მიღებამდე აზრს ხშირად იცვლის, რაც მისი ცვალებადი ხასიათიდან გამომდინარეობს. საქმეში ჩქარია. არაერთხელ დაუბრუნებია მისი მენეჯერები შუა გზიდან რადგან კარგად დაფიქრებულა და გადაწყვეტილება შეუცვლია. როდესაც საქმიან შემოთავაზებაზეა საუბარი, დაუფიქრებლად პასუხობს, თუმცა, საბოლოო გადაწყვეტილების მიღებამდე ოდნავ შეყოვნდება და წამიერად დაფიქრდება. შეიძლება პასუხი შეცვალოს, მაგრამ ჯერ არც ერთხელ არ შემცდარა. აქვს საოცარი ინტუიცია, რაც საქმის კარგად წარმართვაში დადებითად ეხმარება. უყვარს ფიქრი... ეს მისი ხასიათის ყველაზე გამორჩეული შტრიხია. ირაკლი მის ირგვლივ მყოფ ადამიანებს, ოჯახის წევრების ჩათვლით აიძულებს (კარგი გაგებით) პატივი სცენ მას. მე, როგორც მისი მეუღლე ძალიან ვაფასებ მის ამ თვისებას. 

- თქვენზე ხშირად ამბობენ, ცოცხალი წმინდანიაო. 

- არასდროს მითქვამს და არც ვიტყვი, წმინდანი ვარ-მეთქი ისეთივე ცოდვილი ვარ, როგორც ყველა. უბრალოდ, განსხვავებული ხედვითი უნარი გამაჩნია, რაც ყველას არ აქვს. ეკლესიასთან ყოველთვის ახლოს ვიყავი და დღესაც, შესაძლებლობის ფარგლებში ვცდილობ, არ დავშორდე მას. ამავდროულად, ყოველთვის ვგრძნობდი, რომ თვალით უხილავ სამყაროსთან რაღაც კონტაქტი მქონდა და ის მაწვდიდა ინფორმაციას, თუ როგორ უნდა დამესვა დიაგნოზი, დამემზადებინა ესა თუ ის წამალი, მაგრამ ეს არ იყო სათანადოდ დაკვალიფიცირებული ქმედება. მაშინ, ელემენტარულად, ადამიანის ანატომიაშიც კი ვერ ვერკვეოდი. თუმცა, მოგეხსენებათ, საქართველო პატარა ქვეყანაა და საზოგადოებაში ხმა სწრაფად ვრცელდება. ასე რომ, ხალხი მაშინაც მოდიოდა ჩემთან, როცა ამ სფეროში სათანადო ცოდნა არ მქონდა. ზოგი იმისთვის მაკითხავდა, რომ დავხმარებოდი, ზოგი-ამ სასწაულის სანახავად, ზოგიც ჩემთან დამეგობრებას ცდილობდა. ვიღაც ამბობდა, რომ ჩემი ქმედება ჭეშმარიტი იყო, სხვა კი ამას ბოროტებად აღიქვამდა. სინამდვილეში, დიაგნოზირებას ამ სამყაროსთან შერწყმით ვახდენდი... ამჟამად კი, მსოფლიოს ოთხგზის კვალიფიციური ლიცენზიანტის სტატუსით ვმუშაობ. 

- ვიცით რომ ეს პროფესია უცხოეთში მიიღეთ, იქნებ, ამის შესახებ უფრო დაწვრილებით გვიამბოთ. 

-დიახ, პარაფსიქოლოგიის ცოდნა უცხოეთში, კერძოდ, გერმანიაში მივიღე, ამ ცენტრის ფილიალები შემდგომში იტალიაში, საბერძნეთსა და ავსტრიაში გაიხსნა. უცნაური მეთოდია, სურათისა და სანთლების მეშვეობით ხდება დიაგნოზირება, თუ რა დადებითი და უარყოფითი ენერგეტიკის მქონეა ესა თუ ის ადამიანი. მარტივად რომ ვთქვათ, ეს რენტგენის მსგავსია. ის წარმოაჩენს ადამიანის ბიოენერგეტიკულ ველს, გვაჩვენებს, რომელ ადგილას გვაქვს შედარებით სუსტი, უფრო აქტიური და ნაკლებად აქტიური წერტილები. დიაგნოზში ეს ფერებშიც გამოითვლება და ჩანს, რომელ გენეტიკურ პრობლემებთან გვაქვს საქმე- რა დაავადებასთან, როგორი სახის დარღვევებთან და ასე შემდეგ. 

- ბატონო ირაკლი, თქვენი საქმიანობოს შესახებ ცოტა მოგვიანებით ვისაუბროთ, ახლა კი გვითხარით, როგორია გაბრაზებული ირაკლი? 

ირაკლი: - უმჯობესია, არავინ შემეპასუხოს ამ დროს. 

ელისო: - მართალია. გაბრაზებულს ჯობია არავინ დაელაპარაკოს. ამ დროს მის გამხიარულებას მეც ვერ ვახერხებ. ერთადერთი, ვისაც ირაკლის ხასიათზე მოყვანა შეუძლია, პატარა მარიამი და გიორგია. ძალიან უყვარს მუსიკა, სიამოვნებით უსმენს სოულს, კლასიკას. გააჩნია, როდის როგორ ხასიათზეა. 

მათ ოჯახი 2003 წლის 5 მაისს შექმნეს და ამჟამად ჰყავთ ორი შვილი, 4 წლის გიორგი და 1 წლის მარიამი. ირაკლი ამბობს, რომ მესამე შვილს აუცილებლად იშვილებს და გაზრდის, ამით უდიდეს მადლს ჩაიდენს. საინტერესოა, როგორ შეხვდა ამ გადაწყვეტილებას მეუღლე... 

ელისო: - ვიდრე ცოლად გავყვებოდი, ვიცოდი ირაკლის ამ ჩანაფიქრის შესახებ. წინააღმდეგი არ ვყოფილვარ და არც ვიქნები. მისი ნებისმიერი გადაწყვეტილება ჩემთვის მისაღებია, რადგან ჩვენ სიყვარულით შევქმენით ოჯახი და ერთმანეთის აზრს პატივს ვცემთ. 

ირაკლი: - ამ ჩანაფიქრს ცხოვრების რაღაც ეტაპზე აუცილებლად ავისრულებ, მაგრამ ეტყობა, ჯერ ამის დრო არ დამდგარა. 

მათი ურთიერთობა მეგობრობით დაიწყო, რაც როგორც ხშირ შემთხვევაში ხდება ხოლმე, სიყვარულით და ბოლოს ოჯახით დაგვირგვინდა. კითხვაზე, ოჯახის შექმნაც სპონტანურად გადაწყვიტა თუ არა, ირაკლიმ გვიპასუხა. 

- კარგად მქონდა გაცნობიერებული, რომ ელისოს შევირთავდი ცოლად, რასაც დღეს ნამდვილად არ ვნანობ. ვფიქრობ, ორი წელი არ არის პატარა დრო იმისათვის, რომ გაგვეგო, გვინდოდა ერთად ცხოვრება თუ არა. იმდენად ახლოს ვიყავით ერთმანეთთან, ვერც კი წარმოგვედგინა, რომ ერთ მშვენიერ დღეს ერთ ჭერქვეშ მოგვიწევდა ცხოვრება. ხშირად მისთვის ჩემი შეყვარებულების ფოტოებიც კი მიჩვენებია და რჩევა მიკითხავს. 

-- ელისო, რას ფიქრობდით ამ დროს? 

-- მაშინ, მართალია, მის მიმართ გრძნობა არ მქონდა, მაგრამ რატომღაც ვეუბნებოდი, იქნებ დაფიქრდე-მეთქი. 

- ანუ გულის სიღრმეში მაინც ფიქრობდით მასზე? 

-- ალბათ ასე იყო, მაგრამ მაშინ ეს არ მქონდა გათვითცნობიერებული. 

ირაკლი: - როდესაც გაიგო, რომ მიყვარდა, გაბრაზდა. ცოტა ხანი გაბუტულები ვიყავით, მაგრამ მიუხედავად ამისა, მე მას არასოდეს მოვიტაცებდი. 

-- რატომ ? 

-- რადგან ეს ვაჟკაცობად არ მიმაჩნია. ცივილური ადამიანები ვართ და ამგვარ გადაწყვეტილებას არასერიოზულად ვუყურებ. ოჯახის შექმნა მნიშვნელოვანი მოვლენაა და ეს ნაბიჯი ორმა ადამიანმა გააზრებულად უნდა გადადგას. არ შეიძლება ამ შემთხვევაში მესამე პირის ჩარევა. 

- ოჯახში საბოლოო გადაწყვეტილებებს ვინ იღებს? 

ელისო: - რა თქმა უნდა, ირაკლი. მართალია, ამა თუ იმ საკითხზე ერთად ვმსჯელობთ, მაგრამ დასკვნას ყოველთვის ირაკლი აკეთებს. დათმობა არ უყვარს. მართალი გითხრათ, შეყვარებულობის პერიოდში გაცილებით დამთმობი იყო. თითქმის ყველა საკითხზე ვთანხმდებოდით. ხშირად მიწყობს მოულოდნელ სიურპრიზებს. მეტიც, ყოველი თვის 5 რიცხვს, ჩვენი შეუღლების თარიღზე, აუცილებლად მნიშვნელოვანი ძვირფასი სამკაულებით მანებივრებს. 

კითხვაზე, აზიატია თუ არა ირაკლი და რამდენად მოსწონს ჰყავდეს საქმიანი მეუღლე, გვიპასუხა. 

- მიმაჩნია, რომ ქალი საოჯახო საქმეებით უნდა იყოს დაკავებული. არ ვარ წინააღმდეგი საზოგადოებაში თავისი ადგილიც ეკავოს, მაგრამ როდესაც მაქსიმალურ კომფორტს შეუქმნი მეუღლეს და შვილებს, ცოლის მუშაობა აუცილებელ პირობად არ მიმაჩნია. ძირითადად პასუხისმგებლობა მაინც მამაკაცმა უნდა აიღოს საკუთარ თავზე. 

უყვარს, როდესაც მეუღლე ლამაზად გამოიყურება. არ უკრძალავს არაფერს, რაც მას უხდება, არ არის ეჭვიანი. ძალიან მოსწონს ელისოს მიერ დამზადებული საცივი და მეგრული ხაჭაპური. არის არაჩვეულებრივი მამა. დიდ დღესასწაულებს ტრადიციულად მშობლებთან ერთად ხვდებიან. 

ელისო: - არასოდეს ვართ მარტო. ნათესავებთან, ახლობებთან და მეგობრებთან ერთად ყოფნას ისე შევეჩვიეთ, სხვაგვარად ცხოვრება ვერც წარმოგვიდგენია. ირაკლი ყოველთვის ახერხებს ყურადღების გადანაწილებას ყველა იმ ადამიანზე, ვინც მის ირგვლივ ტრიალებს. 

მიუხედავად იმისა, რომ ბევრს მუშაობს და საღამოს ძალიან დაღლილი ბრუნდება, დისკომფორტს არასოდეს გვიქმნის. რაც არ უნდა პრობლემა ჰქონდეს, ყოველთვის ღიმილი დასთამაშებს სახეზე. 

- ბატონო ირაკლი, თქვენ ახსენეთ, რომ დიაგნოზირება სანთლების მეშვეობით კეთდება, საინტერესოა, რატომ სანთლები და არა სხვა რამ? 

- სანთელი მართმადიდებლური სიმბოლოა. ის წმიდად მიმაჩნია და ყველაზე კარგად იმუხტება. სანთლის დანთების შემდეგ ხდება ენერგეტიკული ცვლა, ანუ რეინკარნაცია და გადაადგილება, რომელიც ორგანიზმში ენერგეტიკული ველების გაწმენდა-გათავისუფლებას იწვევს. 

- როგორც ვიცით, 2000 წელს თქვენ სამედიცინო უნივერსიტეტში ჩააბარეთ, შემდეგ უცხოეთში როგორ მოხვდით? 

- დიახ, 2000 წელს ჩავირიცხე თბილისის საერო უნივერსიტეტ ,,მეტეხში"- სამკურნალო ფაკულტეტზე, ვისარგებლებ შემთხვევით და არ შემიძლება ამავე უნივერსიტეტის რექტორს არაჩვეულებრივ და საოცრად განათლებულ ქალბატონ მანონი ქირთბაიას და ყველა ჩემს ლექტორს უდიდესი მადლობა არ გადავუხადო ჩემი პროფესიული განათლების მიღებისთვის. იმ პერიოდში ჩემს შესახებ რუსული და უცხოური პრესა გაცილებით ბევრს წერდა. ბოლოს, მოსკოვში, ერთ-ერთ ცნობილ უნივერსიტეტში მიმიწვია ადამიანმა, რომელსაც რაღაც პრობლემა თავად ჰქონდა. პარალელურად უნივერსიტეტში ჩემი უცნაური ფენომენით დაინტერესდნენ და გამოკვლევაც დაიწყეს. კვლევების დასრულების შემდეგ კი მოვხვდი იმ ათას სტუდენტში, რომლებსაც მსოფლიო დონის პარაფსიქოლოგები გერმანიაში სასწავლებლად ირჩევდნენ. პროგრამა ხუთწლიანი იყო და სწავლის წლიური გადასახადი 80 ათას ევროს შეადგენდა. თუმცა, ამ თანხის გამომუშავება პარალელურად ცენტრში მუშაობით შეიძლებოდა. ცენტრი იმდენად სოლიდური იყო, რომ ექვსი თვის განმავლობაში გვამოწმებდნენ, ხომ არ ვიტყუებოდით და როგორი ენეგეტიკა გვქონდა, რადგან პარაფსიქოლოგიაში მხოლოდ თეორიული ცოდნა არაფრის მომტანია. 

ხუთწლიანი პროგრამა გერმანიაში და პარალელურად, ქართულ უნივერსიტეტშიც, ექსტერნად, წითელ დიპლომზე დავამთავრე. უცხოელებმა მათთან დარჩენა და მუშაობა შემომთავაზეს, მაგრამ არა საქართველოს სახელით, რაზეც უარი განვაცხადე. სწორედ იმ პერიოდში შევქმენი სიმსივნის საწინააღმდეგო წამალი, რომელიც იტალიის პარაფსიქოლოგთა ლაბორატორიაში დამზადდა, რადგან შვიდი წლის განმავლობაში საქართველოში ამ საქმეში გვერდით მდგომი ვერ ვიპოვე... პირიქით, ხელის შეწყობის ნაცვლად, ზოგიერთებისგან კრიტიკაც მივიღე. 

ამჟამად ცენტრთან გაფორმებული მაქვს გრძელვადიანი კონტრაქტი, ვარ საქართველოში მათი იურიდიული წარმომადგენელი, მაქვს მათი ფილიალი შპს-ს სახით და წელიწადში სამჯერ ცენტრის წევრ ქვეყნებში სტაჟირებით ჩავდივარ სამუშაოდ. 

- თქვენ საქართველოში საჯაროდ პირველმა დააარსეთ პარაფსიქოლოგიის ცენტრი. მისი დარეგისტრირებისას პრობლემები არ შეგქმნიათ? 

- აქ რომ დავბრუნდი, ოთგზის ლიცენზიანტი ვიყავი, ანუ ოფიციალური სტატუსი მქონდა მიღებული უცხოეთიდან, ამდენად, დარეგისტრირების პრობლემა არ მქონია. თუმცა, დღესაც არსებობს ადამიანთა კატეგორია, რომელთაც ჩემი საქმიანობა ხელს არ აძლევს. არ გამოვრიცხავ პოლიტიკურ მიზეზებსაც, რადგან ჯერ კიდევ შევარდნაძის დროს ბევრი პარლამენტარისა და ცნობილი სახის პირადი მესაიდუმლე და ჩემი ფენომენალური ნიჭის წყალობით მრჩეველი ვიყავი, თუმცა, არც ამჯერად ვმალავ, რომ მსგავსი რამ დღესაც გრძელდება. იყო დრო, როცა ზოგიერთები საიდუმლოს გასაცემად დიდ თანხასაც მთავაზობდნენ. ჩემი სახელის შელახვის მცდელობაც ბევრჯერ ყოფილა. იყო რამდენიმე შემთხვევა, როცა მოწამლვა დამიპირეს და საოცრად გადავრჩი, აგრეთვე სატელეფონო მუქარები შვილთან დაკავშირებით, გატაცება. სხვათა შორის, ერთხელ უკვე გამიტაცეს და სასწაულად გადავრჩი... ყოველივე აქედან გამომდინარე, დღეს, სამწუხაროდ, იძულებული ვარ საკუთარ ქვეყანაში დაცვის თანხლებით ვიარო... 

- თქვენ ხართ ავტორი წიგნისა კარმულ დიაგონსტიკაზე - ,,სიცოცხლის წყურვილით"-, როგორი რეზონანსი მოჰყვა მას? 

- მსგავსი რამ საქართველოში არ გამოცემულა. არა იმიტომ რომ ჩემია, არამედ პარაფსიქოლოგიის სფეროში გერმანელმა სპეციალისტებმა აღიარეს და თქვეს, რომ წარმოუდგენელია 24 წლის ბიჭმა ასეთი წიგნი დაწეროსო. ჩემთვის ეს უდიდესი კომპლიმენტი იყო, რომელიც ათმაგად მაძლევს სიცოცხლის წყურვილს, ვიყო ის, ვინც ვარ და ვაკეთო, ის რაც მართლა ჩემი საკეთებელია. წიგნში თავმოყრილია შვიდი წლის განმავლობაში სამედიცინო მოკვლევების საფუძველზე გაკეთებული დასკვნები. თამამად შემიძლია ვთქვა, რომ წიგნის დაწერაში ჩემი ზებუნებრივი უნარი დამეხმარა. დღის განმავლობაში იყო საათები, როცა ვხედავდი, ვიღაც მოდიოდა და ჩანაწერებს მკარნახობდა. ,,სიცოცხლის წყურვილით"- სწორედ ამ ჩანაწერებზე აეწყო. 

- თქვენთან ვიზიტისას პაციენტი 185 ლარს იხდის. რა სახის მომსახურება შედის ამ თანხაში? 

- ეს მთლიანი ანუ კომპლექსური სამკურნალო კურსის თანხაა. ამაში შედის: გენეტიკური, მოდგმითი, გაკეთებული, გათვალული, წინსვლა-წარმატება, ჩაკრების გაწმენდა, ათ დაავადებამდე დიაგნოზირება და მკურნალობა ჩვენივე სანთლებითა და მცენარეული წამლებით. აგრეთვე შედის ბიოენერგეტიკული გამოლოცვები, ასტრალური სეანსები, სისხლის გამწმენდი საშუალებები და სპეციალური სეანსები, რომლებსაც ბოლო ეტაპზე პირადად ვატარებ და ეს ყველაფერი ხელშეკრულებისა და გარანტიის საფუძველზე ხდება. გარწმუნებთ, მსგავს რამეს თქვენ ვერც ერთ სამედიცინო დაწესებულებაში ვერ ნახავთ. ხელშეკრულებაში მითითებულია, რომ თუ პაციენტი პასუხისმგებლობით მოეკიდება და ბოლომდე დაექვემდებარება ჩემს მიერ ჩატარებულ მკურნალობის მეთოდს, გარანტირებულ შედეგს მიიღებს. თუ პაციენტი მკურნალობას არ ექვემდებარება, მას გადახდილი თანხის 80%-ი უბრუნდება უკან. 

- რამდენად ხშირია ასეთი შემთხვევები? 

- არც ისე ბევრია, შემიძლია პაციენტების ზუსტი შედეგები გითხრათ, დაახლოებით7 - წლის მუშაობის აღრიცხული ინტერაქტივით, მიღებულ პაციენტთა რიცხვი 35000 აღწევს. 


1. სავარაუდო ინტერაქტივით გამოთვლით, სიმსივნით დაავადებულთა რიცხვი 6768- ია, რომელთა 80%-ი დღესაც ჯანმრთელად გრძნობს თავს. 

2. დაინვალიდებული პაციენტები, რომლებიც ლოგინს იყვნენ წლების მანძილზე მიჯაჭვული - 9118-ს. 

3. ხოლო პაციენტების რიცხვი, რომლებმაც დაიწყეს და ბოლომდე არ მიიყვანეს კურსი, 1886-ს. 

4. დაგვიანებული პაციენტები, რომელთა ორგანიზმი არ დაექვემდებარა მკურნალობას, 2721. 

5.მცირეწლოვანთა დაავადებული პაციენტების რიცხვი კი 6372. 

6. და ასევე, ხანდაზმულთა ინტერაქტივის შედეგის ალბათობაა 8135. 

რატომ არ ექვემდებარება ზოგიერთი პაციენტი მკურნალობა-გამოლოცვებს? 

თუ ადამიანის უჯრედი ძალიან დიდი უარყოფითი ენერგეტიკული ველით არის დაბინძურებული, ანუ სტრუქტურული მიმართულებით გადაადგილებას არ ახდენს ორგანიზმში ენერგეტიკა და ჩაკრების აქტივობა არ აისახება დადებითად, პაციენტი ამ შემთხვევაში აღარ ექვემდებარება მკურნალობა-გამოლოცვებს. 

ამ საქმეში საკმაოდ კვალიფიცირებული და კომპეტენტური ხართ. ნეირო-ქირურგობაზე გული არ გწყდებათ? 

უცხოეთიდან დაბრუნებულმა, როგორც თბილისის სამედიცინო უნივერსიტეტის სამკურნალო ფაკულტეტის კურსდამთავრებულმა, პრაქტიკები ონკოლოგიურ საავადმყოფოში გავიარე, რადგან მაშინ ჯერ კიდევ ვფიქრობდი პარალელურად ნეირო-ქირურგობაზე. სამწუხაროდ, იქ მივხვდი, რომ საქართველოში ექიმს ფასი არ აქვს. თუ პაციენტი დაიღუპებოდა, მისი ჭირისუფალი მიიჩნევდა, რომ დამნაშავე მხოლოდ ექიმი იყო. ასეთი მარტივი მიდგომა ქართული მენტალიტეტის ბრალია. თანაც, წარმოიდგინეთ, რამდენიმე წელი ქირურგიის შესწავლისთვის უნდა დამეთმო, შემდეგ, მეცადა, როდის დავიკავებდი ვინმე ხნიერი პროფესორის ადგილს, რათა სამსახური მქონოდა და ამავე დროს მქონოდა დაბალი ხელფასი, თან მეცხოვრა რისკით, რომ ხვალ-ზეგ ეგრეთწოდებული უკმაყოფილო პაციენტის მსხვერპლი აღმოვჩნდებოდი. 

დღეს ამის პრობლემა არ მაქვს: მყავს უამრავი განკურნებული და მადლიერი პაციენტი, ვარ მაღალანაზღაურებადი სპეციალისტი, ხალხი მაფასებს, რაც მთავარია, პატივს მცემენ საკუთარ ქვეყანაშიც და მის ფარგლებს გარეთაც. მე არა მხოლოდ ვმკურნალობ, არამედ ვიღებ ადამიანებს, რომლებსაც, კარიერა და მომავალი ცხოვრების სწორი მიმართულებით ცხოვრება აინტერესებთ. მინდა ზოგიერთებისთვის ხაზგასმით აღვნიშნო, რომ მე არ ვარ მკითხავი ან წინასწარმეტყველი. ვარ სპეციალისტი, რომელიც იკვლევს ადამიანის ყველა ცოცხალი ორგანოს ბიოენერგეტიკულ დადებით და უარყოფით ველს.. 

-თქვენი მუშაობის ერთ-ერთი მიმართულება აურის გაწმენდაცაა. რომელი ადამიანების აურა ბინძურდება ყველაზე მეტად? 

- რაც უფრო დადებითად არის დამუხტული აურა ბიოენერგეტიკული ველით, მით უფრო ნაკლებად ბინძურდება. მწერლებს, ჟურნალისტებს და საზოგადოებრივ ცხოვრებაში აქტიურად ჩაბმულ ადამიანებს ეს პრობლემა უფრო მეტად აწუხებთ, ვინაიდან ისინი ხშირად გარკვეული შავი ხვრელების ობიექტივის ქვეშ ხვდებიან და სხვებისგან ძირითადად გათვალული არიან. ამ შემთხვევაში დიდი მნიშვნელობა აქვს ინტელექტუალურ შესაძლებლობებს. პაციენტები ამაში ცუდად არიან გარკვეული, რის გამოც ხანდახან კურიოზულ სიტუაციებშიც აღმოვჩნდები ხოლმე. მაგალითად, ზოგიერთი პაციენტი აურის მოხსნას მთხოვს, რაშიც მისი გასუფთავებაა ნაგულისხმევი. ერთხელ მოვიდა ქალბატონი, რომელიც კარმული უჯრედის გაწმენდას საჭიროებდა. მან კი ჩათვალა, რომ გამათმობელი ,,კარმის- გაწმენდაზე იყო საუბარი.. ან კიდევ, ვითხოვ სურათს, რომელზეც პაციენტის თვალები უნდა ჩანდეს კარგად, პაციენტის ახლობელი კი მეკითხება, წელზევით გადაღებული ფოტო გინდათ თუ წელსქვევითო!... 

-მკურნალობა-გამოლოცვებისას დიდი მნიშვნელობა აქვს დადებით განწყობას, განკურნების რწმენას... 

- ცხადია, როცა გჯერა, დადებითი მუხტს, ენერგეტიკას უფრო ადვილად იღებ და იოლად იკურნები, შესაბამისად, ხედავ შედეგს. როდესაც არ გჯერა, ენერგეტიკაც გარკვეულწილად შეკრულია. მყავდა თურქი პაციენტი, რომელიც სანთელს ანთებდა და როდესაც ჰკითხეს, რატომ აკეთებდა ამას, მან უპასუხა, უნდა მჯეროდეს იმ საქმის, რომელსაც ირაკლი ლომაია აკეთებსო. სხვათა შორის, მას ძვლის დაშლა ანუ სარკომა ჰქონდა და ის დღესაც მშვენივრად გრძნობს თავს. 

- რა იწვევს დაავადებებს და საერთოდ, რითი ,,ბინძურდება- ადამიანის ენერგეტიკული ველი? 

- აურისა და მიმღები დასხივებადი არხების დაბინძურება ნებისმიერ ორგანოს აზიანებს. გარდა ამისა, ადამიანის მძიმე კარმა, მოდგმითი გენეტიკური ცოდვები და ბიოველში ხელოვნურად შეყვანილი ნეგატიური პროგრამა, ჯადო, გათვალვა, წყევლა უამრავ დაავადებას იწვევს, შესაძლებელია, ექიმმა დიაგნოზი ვერ დაგისვათ და დანიშნული წამალი არ მოგერგოთ, რადგან მას სულ სხვანაირი მიდგომა და განეიტრალება უნდა, ამიტომ თუ ორგანიზმი არ გაიწმინდა, თავს იჩენს სხვადასხვა დაავადება. უარყოფით ენერგეტიკას ნებისმიერი სირთულის დაავადების პროვოცირება შეუძლია. არასოდეს ხდება ისე, რომ ადამიანი უცბად გაგიჟდეს ან გულმა დაარტყას. ამ ყველაფრისთვის ენერგეტიკა ამზადებს ნიადაგს. მსგავსი მოვლენები ადამიანში ჯერ ფიზიკურ დონეზე აისახება და გამოვლინდება, შემდგომ სულიერში გადადის და ბოლოს თუ ვერ მიუხვდებით ან ყურადღებას არ მივაქცევთ, ადვილად შესაძლებელია ადამიანი დაიღუპოს, ამიტომ ხშირად პაციენტები არა მძიმე მდგომარეობაში მყოფნი, არამედ პროფილაქტიკისთვის მომმართავენ. მოდიან ასევე, ოპერაციის წინ, რომ შემდგომში არ გაურთულდეთ მდგომარეობა, ან ოპერაციის შემდეგ, ჭრილობების კარგად შესახორცებლად. 

-პროფილაქტიკის მიზნით ადამიანი თქვენს ორგანიზაციაში წელიწადში რამდენჯერ უნდა მოვიდეს? 

-ყველა დაქვემდებარებულ პაციენტებთან ხელშეკრულების გაფორმებისას, თუ ის ყველაფერს კარგად შეასრულებს, გარანტია ხუთ წელზეა გათვლილი. ანუ ამ ხნის განმავლობაში მას არ უწევს თავიდან მოსვალა და მისი ორგანიზმი არანაირ უარყოფით ენერგეტიკას არ მიიღებს. აგრეთვე პაციენტთან მუშაობის დროს გამორიცხულია რაიმე დისკომფორტი და უარყოფითი გვერდითი მოვლენები. მას არც ყოველდღე უწევს აქ სიარული, მხოლოდ თვენახევარში ერთხელ მოდის იმდენჯერ, რამდენი უარყოფითი ენერგეტიკა გამოუა დიაგნოზში გასაწმენდად და ამ ხნის განმავლობაში ყოველ მესამე დღეს ანთებს ჩემს მიერ დამუხტულ მისთვის გათვლილ სპეციალურ შედეგის სანთლებს. 

- ბატონო ირაკლი, რამდენადაც ვიცით, თქვენთან ხშირად მოდიან თანამდებობის პირები, საინტერესოა, რას ითხოვენ ისინი? 

- არ შეიძლება ერთმანეთისგან ვერ განვასხვავოთ მდიდარი და ღარიბი. უფლის წინაშე ყველა თანასწორუფლებიანი ვართ. პრობლემები უფრო ხშირად თანამდებობის პირებსაც აქვთ, თანაც გაცილებით უფრო დიდი, ვიდრე ნაკლებად ცნობილ ადამიანებს. მაღალჩინოსნები თავიანთი საქმის, თანამდებობის, ბიზნესის შესანარჩუნებლად ზრუნავენ, უფრო დიდი წარმატების მისაღწევად იბრძვიან. საზღვარგარეთ ყველა პოლიტიკოსს და ბიზნესმენს ჰყავს საკუთარი სპეციალისტი, რომელიც მის კარიერასა და საქმიანობას მსგავსი ენერგეტიკული მეთოდებით იცავს. 

-თქვენი პაციენტები ბავშვები თუ არიან? 

- დიახ, მხოლოდ 7 წლიდან ზემოთ ვიღებ. 

- თქვენ მხოლოდ თბილისში მუშაობთ? 

- სათავო ოფისი აქ, თბილისში მაქვს. ვინაიდან პაციენტთა რიცხვი ძალიან გაიზარდა, შევიმუშავეთ პროექტი, რათა სექტემბრიდან ფილიალი გავხსნათ ბათუმში, მაგრამ თუ ჩემი დახმარება რაიონში მცხოვრებ ადამიანს დასჭირვებია, იქაც ჩავსულვარ. უცხოელ პაციენტებთან ძირითადად ურთიერთობა ინტერნეტის მეშვეობით მაქვს. ისინი აგზავნიან პაციენტის ფოტოებს, მე დიაგნოზს ვუკეთებ, მზა წამლებს და დამუხტულ სანთლებს კი ჩემი კურიერები უგზავნიან. გარდა იმ შემთხვევებისა, თუ პირადად მიწვევს უცხოეთში პაციენტი და სურს, გარკვეული პერიოდი მხოლოდ მას ვუმკურნალო, შესაბამისად, საკადრისი ჰონორარის გადახდაც უწევს. ისე, ყოველთვის აუცილებელი არ არის პაციენტი პირადად ვნახო. 

- როგორც ვიცით, ამ ეტაპზე მიწვევებიც გაქვთ, ხომ არ აპირებთ გასვლას? 

--დიახ, მართალი ხართ. ამჯერად მაქვს სამი მიწვევა, სხვადასხვა ქვეყნიდან. ისე მოხდა, რომ რატომღაც სამივე ერთ პერიოდს დაემთხვა. ჯერ არცერთისთვის თანხმობა არ მიმიცია. ვნახოთ, ველოდები, რომელიც უფრო კარგ პირობებს შემომთავაზებს, ალბათ ცოტა ხნით წავალ, ვფიქრობ 60 დღით, სხვა შემთხვევაში, ქართველ პაციენტებს ვერ დავტოვებ.. გარდა ამისა, მე ხომ სხვა სამსახურითაც ვარ დაკავებული და ფიზიკურად ბევრი დრო არ მრჩება.. 

-სხვისი პრობლემები თქვენზე უარყოფითად არ მოქმედებს? 

-უცხოეთიდან ახალი ჩამოსული რომ ვიყავი, ამ ყველაფერს ძალიან განვიცდიდი, ღამეები არ მეძინა. შემდეგ ეს პრობლემა ჩემს უცხოელ მასწავლებლებთან განვიხილე და მირჩიეს, რომ სხვისი ტკივილი ადეკვატურად აღმექვა და ზომაზე მეტად არ მიმეტანა გულთან, რადგან ასეთი ემოციურობით მხოლოდ საქმეს წავახდენდი. რჩევა რა თქმა უნდა, გავითვალისწინე. ახლა აღარ ვჩქარობ და ვცდილობ, ზომიერი ტემპით ვიმუშაო. 

-ცნობილია, რომ თქვენ აქტიურ საქვემლოქმედო საქმიანობასაც ეწევით. 

- დიახ, ასეა. შესაძლებლობის ფარგლებში მინდა დავეხმარო მათ, ვისაც ნამდვილად სჭირდება ჩემი დახმარება. ძალიან ბევრი განცხადება შემოდის დახმარების მიზნით, მაგრამ ფაქტია, რომ ყველას ვერ დავეხმარები, ვინაიდან მე არ ვარ მილიონერი, ამიტომ მინდა იმ ადამიანებს მოკრძალებული ბოდიში მოვუხადო და ვუთხრა, მათი მონაცემები ჩვენთან ინახება, მოვა დრო და მათაც დავეხმარებით. 

-რა კრიტერიუმებით არჩევთ მათ, ვისაც ეხმარებით? 

-ამ თემაზე ასე საუბარი ალბათ გამიჭირდება. თუმცა, რა კრიტერიუმები სჭირდება მაგალითად ჩვილ ბავშვთა აღსაზრდელებს, ინვალიდებს, უზომოდ გაჭირვებულებს, მრავალშვილიან ოჯახებს და ა.შ.. მათ ხომ ნამდვილად სჭირდებათ ჩვენი დახმარება. 

პ.ს ,,ისევე, როგორც ნებისმიერ საღად მოაზროვნე ადამიანს, მეც მყავდა იდეალი, ადამიანი, ვისთვისაც მინდოდა მიმებაძა. მინდა, ჩემი საქმიანობა გავაღრმავო და დიდი სურვილი მაქვს, გავხდე აღიარებული, რასაც ღვთის შეწევნით, აუცილებლად მივაღწევ. მსურს, შევქმნა საქართველოში ევროპული სტანდარტების მსგავსი პარაფსიქოლოგიური კვლევითი ცენტრი, სადაც ადამიანებს გაუწევენ ყველანაირ უფასო დახმარებას"-. - თქვა საუბრის ბოლოს ბატონმა ირაკლი ლომაიამ. 

ყველას აქვს მიზანი, მთავარია, როგორ მიაღწევს მას. ყველას აქვს ასე ლაპარაკის უფლება, მაგრამ ძალიან ცოტანი ხდებიან მომავალში ისეთები, ვისაც შეიძლება სხვამ მიბაძოს. ირაკლი ლომაიას მთელი ცხოვრება წინ აქვს. ვუსმენდი მას და ერთი რუსი რეჟისორის ნათქვამი სიტყვები გამახსენდა, რომელიც ერთ-ერთ ცნობილ მსახიობზე თქვა.  ეს შეიძლება სწორედ ირაკლიზე ითქვას. ,,ის არასოდეს არ არის უბრალო-, მას ყველაფერი განსაკუთრებული მოსწონს და არ გამოვრიცხავ, რომ წლების მერე მართლაც ბევრისთვის გახდეს იდეალი". 

დაინტერესებულ პირებს მისაღებად შეგიძლიათ დაუკავშირდეთ შპს ,,მკურნალ, ექსტრასენს-პარაფსიქოლოგ- ირაკლი ლომაიას სათავო ოფისს. მიღება წინასწარი ჩაწერით, ყოველდღე, შაბათ - კვირის გარდა 12:00-დან 18:00-საათამდე. 

ჟურნალი "ღია ბოქლომი # 7  

სექტემბერი-ოქტომბერი, 2007 წელი.

[ ... ]

ირაკლი ლომაიას უჩვეულო რამ შეემთხვა...

ადამიანის მიერ განვლილი გზა, ამქვეყნად მისი მოვლინებიდან გარდაცვალებამდე, სასწაულია. მოკლედ...&ცხოვრებაა სასწაული. ჩვენ, ადამიანები კი, ამ ყველაფრის მხილველნი, გამზიარებელნი და ზოგჯერ საკუთარ თავზე გამოცდილების მომსწრენი ვართ. ეს შემთხვევა ალბათ, სხვა არაფერია, თუUარა სასწაული, რომელიც თითქოს ჩვეულებრივ, მაგრამ თავისი საქმიანობიდან გამომდინარე, არაჩვეულებრივ ადამიანს, სულ ცოტა ხნის წინ გადახდა თავს. ამ მოვლენის შესახებ ყველა სხვადასხვა აზრს გამოთქვამს, ვერავინ ხსნის საიდან და ვისგან მოდის ეს ყველაფერი, რა ძალები ამოძრავებს მას, მაგრამ ერთი რამ ცხადია, ამ ამბის მომსწრე თითოეული ადამიანი კიდევ ერთხელ დარწმუნდა, რომ ის ყველასგან განსხვავებული და განსაკუთრებულია. ცნობილი პარაფსიქოლოგი ირაკლი ლომაია სულ ცოტა ხნის წინ უგონო მდგომარეობით კომაში მყოფი ღუდუშაურის კლინიკაში მიიყვანეს, საიდანაც დაიწყო ყველა ის უჩვეულო მოვლენა, რომელიც მას გადახდა თავს. პრესის წარმომადგენლები რა თქმა უნდა, დავინტერესდით ამ საკითხით და კომენტარის გასაკეთებლად ექიმ-რეანიმატოლოგს, ბატონ ბესო გურგენიძეს დავუკავშირდით, რომელიც პირველი წუთებიდან გახდა ამ მოვლენების მომსწრე და შემფასებელი. 

- ბატონო ბესო, საავადმყოფოში შემოყვანის წუთებიდან ირაკლის თქვენ აკვირდებოდით, თუUშეიძლება გვითხარით, რა მდგომარეობით შემოიყვანეს პაციენტი? 

- ირაკლი საავადმყოფოში უგონო მდგომარეობით შემოიყვანეს. გაურკვეველ ვითარებაში აღმოვჩნდით. ყველანაირი ანალიზი გავუკეთეთ. თუმცა, ჩვენდა გასაკვირად, არც ერთი ორგანული დაზიანება არ აღენიშნებოდა. აბსოლუტურად ნორმალურად მუშაობდა გული, ტემპერატურა და სისხლის მიმოქცევა ნორმალური, მოკლედ, ყველა ორგანო უმუშავებდა. ანუ, ირაკლი ჩვენი პაციენტი არ იყო. შემდეგ, როდესაც პაციენტის ანამნეზი გამოვიკითხეთ, და მისი ცხოვრების წესის შესახებ გავიგეთ, მივხვდით, რომ ეს სწორედ, მისი უჩვეულო მდგომარეობით იყო გამოწვეული. 

- ასეთ შემთხვევაში რამდენად უძლური აღმოჩნდა კლასიკური მედიცინა და პირველი დახმარება, რომელიც მას აღმოუჩინეთ. 

- კლასიკური მედიცინა ამ შემთხვევაში, რა თქმა უნდა, უძლური აღმოჩნდა, იმდენად რამდენადაც, ამ მდგომარეობიდან ირაკლი თვითონ უნდა გამოსულიყო. ჩვენ ვერაფერს ვიზამდით. რაც შეეხება პირველად დახმარებას, როდესაც ტომოგრაფია გადავუღეთ და ტვინის მუშაობაში დავრწმუნდით, ნარკოზი გავუკეთეთ, რის შედეგადაც 12-13 საათი ვამყოფეთ უგონი მდგომარეობაში, რათა ტვინი არ გადატვირთულიყო, აგრეთვე, დავუდგით წვეთოვანი, რადგან ორგანიზმი არ გამოფიტულიყო. რაც შეეხება ირაკლის ტვინის მუშაობას, მისი ცხოვრებიდან და საქმიანობიდან გამომდინარე, ცოტა სხვანაირად მუშაობს, მაგრამ არ გაიგოთ ისე, თითქოს აგებულებით იყოს სხვანაირი. უბრალოდ, კიდევ ერთხელ ვიმეორებ, მას სხვა ფიქრები, შეგრძნებები და გრძნობები აქვს, არასტანდარტული, სხვა ადამიანებთან შედარებით, ანუ აბსოლუტურად განსხვავებული. 

ირაკლის ასეთ მდგომარეობას ყველა სხვადასხვანაირად აფასებს. ექიმების ერთი ნაწილისთვის ეს თითქოს ჩვეულებრივია, ამ ფაქტის მნახველი უბრალო, მოკვდავი ადამიეანები კი გაოგნებულნი არიან, ერთ-ერთი ასეთი ყველასთვის ცნობილი ქალბატონი, მზია კვირიკაშვილია, რომელმაც ყველა მოვლენა თავად ნახა და უჭირს ამ ყველაფრის ახსნა.  

მზია კვირიკაშვილი: "მე და ირაკლი მეგობრები ვართ, გამომდინარე აქედან, იმ დროს მის გვერდით ვიყავი. ირაკლის სანახავად რონ შევედი, აპარატზე იყო შეერთებული, წვეთოვანი ედგა და აბსოლუტურად გათიშული იყო, კომაში იმყოფებოდა. ექიმების ერთი ნაწილი აცხადებდა, რომ მას ლეთარგიული ძილი ჰქონდა, მეორე ნაწილი კი ამბობდა, ირაკლი ღრმა ტრანსში არისო. როდესაც რეანიმაციიდან სხვა პალატაში გადაიყვანეს, იყო მომენტი, რომ თვალები გაახილა, დამელაპარაკა, ანუ ჩვეულებრივად აზროვნებდა. შემდეგ ისევ გაითიშა. ამ დროს ექიმებიც იქ იმყოფებოდნენ, ყველა ღონეს ხმარობდნენ, მაგრამ გონზე ვერ მოჰყავდათ. ყველაზე საოცარი ის იყო, რომ აპარატზე წნევა, მაჯისცემა ნორმალურად აისახებოდა, შემდეგ მოხდა ასეთი უცნაური რამ: აბსოლუტურად გათიშული მთელ სიგრძეზე ისე გაიჭიმა, რომ ექიმებმა ვერაფრით ხელ-ფეხი ვერ მოუღუნეს და ასეთ მდგომარეობაში მყოფს მთელი სხეული უთრთოდა. უცებ გაჩერდებოდა, დაიკვნესებდა, პირს გააღებდა და ჩერდებოდა, თვალები დახუჭული ჰქონდა, სუნთქვა შეწყვეტილი. ამის შემდეგ დგება მომენტი, როდესაც ახელს თვალებს, იწყებს ლაპარაკს, ჭამს, მაგრამ შემდეგ ისევ ითიშება. ასეთ მდგომარეობაში ერთი დღე-ღამეE იმყოფებოდა. აბსოლუტურად ყველა ექიმმა გასინჯა, ისინი მოვლენების განვითარებას ელოდნენ და წინასწარი დასკვნებიდან თავს იკავებდნენ, თუმცაUგაურკვეველობაში იყვნენ. რაც შეეხება მისი ტვინის მუშაობას, ნეიროქირურგმა აღნიშნა, რომ მას ჩვეულებრივი ადამიანებისგან განსხვავებული ტვინი აქვს. რაც მისი ცხოვრების წესიდან გამომდინარე ახსნეს. რაც შეეხება ჩემს მოსაზრებას, ისეთი უჩვეულო ფაქტის მომსწრე გავხდი, რასაც ნამდვილად ვერ ავხსნი და ვერც წარმოვიდგენდი. ერთს კი მივხვდი, რომ ირაკლი არ არის ჩვეულებრივი ადამიანი, მას რაღაც დიდი ძალა ამოძრავებს, მაგრამ ვინ კარნახობს ამ ყველაფერს, ალბათ მხოლოდ თვითონ იცის.� 

დამეთანხმებით, ყველაზე საინტერესო ირაკლი ლომაიას კომენტარია, რომელსაც თავად გადახდა ეს ყველაფერი. თუUრას გრძნობდა ამ დროს, ახსოვს თუ არა ეს პერიოდი და როგორ ხსნის ამ მოვლენას, ამაზე თავად გვიამბობს. 

- ირაკლი ლომაია: �აბსოლუტურად არაფერი მახსოვს, ერთადერთი, რა შეგრძბებაც მქონდა, სადღაც მივქროდი, მაგრამ საკუთარ თავს ვერ ვხედავდი. როგორც მეუბნებიან, რაღაც მომენტებში გონს მოვდიოდი, ვლაპარაკობდი, მაგრამ არაფერი მახსოვს. რაოდენ გასაოცარიც არ უნდა იყოს, ექიმებს ჩემთვის ხელწერილიც კი დაუწერინებიათ, რადგან საავადმყოფოში დარჩენაზე უარი მითქვამს, ასეთი რაღაც რამდენიმე წლის წინათაც დამემართა, 12 დღეEუგონოდ, ფაქტიურად მკვდარი ვიყავი, მაგრამ იმ განსხვავებით, რომ მაშინ ყველაფერი მახსოვდა. 

P.შ.კონკრეტულად ვერაფერს გეტყვით, მხოლოდ ერთი რამის თქმა ნამდვილად შემიძლია, ირაკლი ლომაია სასწაულმოქმედი ნამდვილად არ გახლავთ, მაგრამ მასში არის რაღაც ძალა, რაც მას მართლა სასწაულებს აკეთებინებს, ამას კი მისი არაერთი პაციენტი ადასტურებს. რეალობას ვერ გავექცევით, სულ ახლახან, ცნობილი პარაფსიქოლოგი უჩვეულო მდგომარეობაში აღმოჩნდა, შემთხვევით არაფერი ხდება. პარაფსიქოლოგიის მამად აღიარებულმა კლასიკური მედიცინის წარმომადგენლები რამდენიმე წლის შემდეგ კიდევ ერთხელ გააოგნა და მან უჩვეულო სიტუაციიდან საკუთარი თავი თვითონვე გამოიყვანა. ჩვენს შორის დადის ადამიანი, რომელიც ერთი შეხედვით ჩვეულებრივია, მაგრამ ამავე დროს უჩვეულო და არაორდინალური, რომელსაც უდიდესი პასუხისმგებლობა აკისრია. არავინ იცის, კიდევ როდის მოუწევთ მსგავსი მასალის დაწერა ჟურნალისტებს, მაგრამ ფაქტია, რომ ეს ამბავი სულ ახლახან მოხდა და დამეთანხმებით, მსგავსი რაღაცეები რამდენიმე წელიწადში ერთხელ ხდება, ასეთი ადამიანები კი თითზე ჩამოსათვლელნი არიან მთელ მსოფლიოში. 

საუბარს ვამთავრებდით, როდესაც ბატონმა ირაკლიმ ახალი ინფორმაცია მოგვაწოდა მოსკოვში მის გამგზავრებასთან დაკავშირებით. ქართველი პარაფსიქოლოგი რუსმა პარაფსიქოლოგებმა მიიწვიეს, რამდენადაც საუბარში გაირკვა, პაციენტების მიღება ივლისის ბოლოს შეწყდება. არ უთქვამს ბატონ ირაკლის, რა ხნით მოუწევს რუსეთის დედაქალაქში ყოფნა, მაგრამ ერთი რამ დანამდვილებით გაირკვა. ქართველი პარაფსიქოლოგი სავარაუდოდ შემოდგომაზე უდიდესი გეგმებით დაბრუნდება საქართველოში.

ჟურნალი "ღია ბოქლომი" # 5 (9) 
სექტემბერი-ოქტომბერი. 2008 წელი


[ ... ]

,,მე მაიძულეს საქართველო დამეტოვებინა"

ნომრის სტუმარია საქართველოს პარაფსიქოლოგიის მამად აღიარებული ირაკლი ლომაია, რომელიც ამჟამად რუსეთის დედაქალაქში ორ ახალ პროფესიას: მსახიობობას და ფოტომოდელობას ეუფლება. 

უკვე რამოდენიმე თვეა ცნობილი პარაფსიქოლოგი ქართული პრესის ფურცლებზე აღარ სჩანს, ამიტომ საზოგადოებაში გაჩნდა უამრავი კითხვა: "სად დაიკარგა ლომაია?", "როდის დაუბრუნდება სამსახურს?", "საქართველოში როდის ჩამოვა?" ... მსგავსი კითხვებით ჩვენს რედაქციას არაერთმა მკითხველმა მიმართა. იგივე მკითხველთა თხოვნით "ღია ბოქლომი" მოსკოვში მყოფ ირაკლი ლომაიას დაუკავშირდა. ინტერვიუ მოკლე, მაგრამ სენსაციური გამოდგა. 

-ბატონო ირაკლი, ამ ეტაპზე რა ხდება თქვენს ცხოვრებაში? 

-ჩემსკენ აბსოლუტური სიმშვიდე, საქმეები ეტაპობრივად და ნელ-ნელა წინ მიდის. მსოფლიო ფინანსურმა კრიზისმა, მართალია როგორც ყველა, მეც დამაზარალა, მაგრამ ფაქტია, რომ კრიზისი მარტო ჩემთვის არ არის. ვიმედოვნებ, რომ მალე ყველაფერი გამოსწორდება და კარგად ვიქნებით. 

-საქათველოში ჩამოსვლას როდის აპირებთ? 

-სამწუხაროდ თუ საბედნიეროდ, საქართველოში ასე მალე ვერ ჩამოვალ, რადგან თებერვლის ბოლოს, უკვე გადაღებებზე ჰოლივუდში მივემგზავრები და სანამ კარგად არ მოვძლიერდები საქართველოში ვერ დავბრუნდები. ამავდროულად ძალიან ბევრი საქმე მაქვს და დაკავებული ვარ... 

-პარაფსიქოლოგიურ საქმიანობას როდის გააგრძელებთ? 

-საქართველოში ჩემი შესაძლებლობები ამ პროფესიით უკვე ამოვწურე... ამერიკაში კი მელოდებიან, ადამიანები რომლებთანაც პარაფსიქოლოგიური ცენტრი უნდა გავხსნა. პარალელურად ჩემს საქმიანობასაც გავაგრძელებ. 

-თუ შეიძლება თქვენს ახალ პროფესიაზე გვესაუბრეთ. 

-ჩემი ახალი პროფესია მსახიობობა და ფოტო-მოდელობაა, მოსკოვში სწორედ ამ საქმით ვარ დაკავებული. გავიარე მოსამზადებელი არაერთი კურსი ხელოვნებაში, სააგენტო ,,ულტრამოდელი"-ს დახმარებით, რომელთანაც გავაფორმე გრძელვადიანი ხელშეკრულება. აღნიშნული კონტრაქტი ითვალისწინებს არაერთ კინო და ფოტოგადაღებებში მონაწილეობის მიღებას, მათ შორის ამერიკისა და ევროპის ქვეყნებში. მიუხედავად დიდი კრიზისისა, უკვე არაერთი გადაღება გვქონდა, რითაც ძალიან კმაყოფილი ვარ. მეტიც - ძალიან საინტერესო და სასიამოვნო სამუშაოა. მე ავისრულე ის ოცნება, რაც თავიდანვე მინდოდა - ვიმედოვნებ, რომ ჩემი წარმატებებით არამარტო საკუთარ თავს,არამედ საქართველოსაც ვასახელებ. 

-თქვენი ოჯახი ამ დროისთვის სად იმყოფება? 

-ოჯახის წევრები ჯერჯერობით თბილისში არიან, მაგრამ ისინი მალე ჩემთან იქნებიან და ბედ- 

ნიერად გავაგრძელებთ ცხოვრებას. 

-რას ეტყვით იმ ადამიანებს, რომლებიც თქვენს ინტერვიუს წაიკითხავენ? 

-ამ ეტაპზე მხოლოდ ერთ რამეს: მე მაიძულეს საქართველო დამეტოვებინა, - მოვა დრო, როდესაც ძალიან ბევრ რამეს ვიტყვი.... ყველანი ძალიან მიყვარხართ! 

-სამომავლო გეგმებზე რას გვეტყვით? 

-დიდი და კარგი გეგმები მაქვს. ჩემი მოსკოვში ყოფნის მიზეზი სწორედ ეს გახლავთ - ჰოლივუდშიც ამიტომ მივდივარ.

[ ... ]

ირაკლი ლომაია საქართველოში დაბრუნდა

ნომრის სტუმარია საქართველოს პარაფსიქოლოგიის მამად აღიარებული ირაკლი ლომაია, რომლის პიროვნებაზე და მიღწევებზე ძალიან ბევრი შეიძლება ითქვას... თუმცა ამჯერად, შემოგთავაზებთ ცნობილი პარაფსიქოლოგის მინი დოსიეს, შემდეგ კი იგი თავად გიამბობთ მის ცხოვრებაში არსებულ სიახლეებზე.
ირაკლი დავითის ძე ლომაია დაიბადა 1983 წლის 21 მარტს, ქალაქ თბილისში. მოგვიანებით მისი ოჯახი 1986 წელს საცხოვრებლად ქალაქ სენაკში გადავიდა. ყავს მეუღლე _ ელისო ტორჩინავა, დაბადებული 1984 წლის 11 იანვარს და ორი მცირეწლოვანი შვილი: გიორგი ირაკლის ძე ლომაია, დაბადებული 2004 წლის 8 მარტს და მარიამ ირაკლის ასული ლომაია, დაბადებული 2006 წლის 14 აგვისტოს. ასევე დედა-მამა, ძმა-რძალი და ძმისშვილი. ზოდიაქოთი არის ვერძი, მფარველი პლანეტაა მარსი, ხე - მუხა. დაამთავრა ქალაქ სენაკის VI საშუალო სკოლა. 1999-2000 წლებში მუშაობდა ქალაქ სენაკში საკრებულოს მრჩეველთა საბჭოს თავჯდომარედ. 2000 წელს ჩაირიცხა ქალაქ თბილისის საერო ინსტიტუტ "მეტეხი"-ში სამედიცინო ფაკულტეტზე და 2005 წელს დაამთავრა წარჩინებით. პარალელურად გერმანიაში ექსტერნად (2000-2002წწ) ჩაირიცხა "შტაო"-ს პარაფსიქოლოგიურ ცენტრში, სადაც მიიღო კვალიფიცირებული პარაფსიქოლოგის წოდება. მიწვეულ იქნა ამავე უნივერსიტეტის ფილიალებში. ამჟამად არის მსოფლიოს ოთხგზის ლიცენზიანტი პარაფსიქოლოგი, რომელიც სპეციალური მიწვევით, წელიწადში სამჯერ გერმანიის, ავსტრიის, იტალიის, საბერძნეთის კვლევით პარაფსიქოლოგიურ ცენტრებში მუშაობს. საზღვარგარეთ დამთავრებული აქვს ტიბეტური მედიცინის და მასაჟისტის სპეციალური კურსები. 
  2004 წელს ქალაქ თბილისში დააფუძნა და გახსნა, ყველა ზემოთხსენებული ქვეყნების ფილიალი ბიო-ენერგეტიკული კვლევის ცენტრი შპს "მკურნალ, ექსტრასენს - პარაფსიქოლოგი" ირაკლი ლომაიას სახელწოდებით. აგრეთვე 2004 წელს დააფუძნა საქველმოქმედო ფონდი სახელწოდებით "ლომაია", რომლის დახმარებით არა ერთ გაჭირვებულს გაუწოდა დახმარების ხელი. 2004-2005 წლებში ქალაქ თბილისში წარჩინებით დაამთავრა ხომერიკის ბიო-ენერგეტიკის კურსები. 2005 წელს ქალაქ თბილისში დააარსა კვლევითი დიაგნოზტიკური ცენტრი "მეტეხი". 2006 წელს დააფუძნა ყოველთვიური საზოგადოებრივ-პოლიტიკური ჟურნალი "რეალური სამყარო". 2007 წლის 1 მარტს საფუძველი დაუდო საქველმოქმედო ყოველკვირეულ, აკრედიტირებულ, საზოგადოებრივ-პოლიტიკურ გაზეთ "კამარა"-ს. 
ირაკლი ლომაიას პარაფსიქოლოგიურ ცენტრში ბიოენერგეტიკული მკურნალობა მიმდინარეობს ნებისმიერი სირთულის ავადმყოფთათვის, შვიდი წლის ზემოთ ვისი ორგანიზმიც დაექვემდებარება სპეციალურ ბიოენერგეტიკულ მკურნალობას. ბიოენერგეტიკულ მკურნალობა დამოკიდებულია პაციენტის ორგანიზმის ინდივიდუალურობაზე, მის მეთოდში მკურნალობის ბარიერი არ არსებობს, ამდენად არსებობს მხოლოდ დაქვემდებარების ბარიერი.
შპს "მკურნალ-ექსტრასენს პარაფსიქოლოგში" არსებობს ინდივიდუალური ბიოენერგეტიკული მკურნალობის რამოდენიმე სახე: ექსტრასენსორული ბიოენერგეტიკა, მცენარეული ბიოენერგეტიკა, კოსმოსური ბიოენერგეტიკა, ქიმიური ბიოენერგეტიკა, ბიოენერგეტიკული გამოლოცვა, ასტრალური ბიოენერგეტიკა, დასხივებადი ფოტოებით და სხვა უამრავი ბიოენერგეტიკული საშუალებები.

აგრეთვე ტარდება: სიცოცხლის გასახანგრძლივებელი, სპეციალური ბიოენერგეტიკული სეანსები ავადმყოფი ადამიანებისათვის, წინა შესამზადებელი, ოპერაციების, ნაოპერაციებთათვის, სისუსტის, ცენტრალური ნერვული სისტემის, ნევროზის, იმუნიტეტის აღმდგენი, ჭარბი წონის და სხვა უამრავი სპეციალური გამწმენდი ბიოენერგეტიკული ასტრალური სეანსები. მზადდება ბიოენერგეტიკულად სპეციალური დამუხტული მალამოები: დამწვრობის, ეგზემის, სიწითლის, შრამების, ჭორფლის და სხვა კანის დამახინჯებული ადგილების გადასაწმენდად, ფსიქიკა შელახული და შიზოფრენიის სპეციალური ბიოენერგეტიკული მუხტის წამლები. უწყვეტი პრაქტიკული საქმიანობის გარდა, ირაკლი ლომაია სამეცნიერო - კვლევით საქმიანობასაც ეწევა. იგი გახლავთ არატრადიციული მედიცინის, არაჩვეულებრივ ნაშრომთა I-ტომის "სიცოცხლის წყურვილით" - წიგნის ავტორი, რომელმაც გამოსვლისთანავე დაიმსახურა გერმანელი კოლეგების მაღალი შეფასება. გარდა ამისა, თავისი პროფესიული საქმიანობიდან გამომდინარე ხშირად უწევს ევროპის სხვადასხვა ქვეყნებში, კერძო მიწვევებზე ვიზიტი. არის ნიჭიერი, მტკიცე და განათლებული ახალგაზრდა. მას აქვს ბუნებით მომადლებული ნიჭი _ დაეხმაროს გარშემო მყოფ ადამიანებს. ირაკლი მართლმადიდებელი ქრისტიანია და აქტიურად მონაწილეობს საეკლესიო ცხოვრებაშიც.
ირაკლი ლომაია რამოდენიმე კვირის წინ მოსკოვიდან დაბრუნდა და პაციენტების მიღება განაახლა. მან "ღია ბოქლომს" ექსკლუზიური ინტერვიუ მისცა:
_ბატონო ირაკლი, წინა ინტერვიუში გვითხარით, რომ საქართველოში დაბრუნებას უახლოეს ხანებში არ აპირებდით. რამ განაპირობა გადაწყვეტილების შეცვლა?
_დიახ, მართალი ხართ, მაგრამ ბოლოს გადავწყვიტე, საქართველოში დავბრუნებულიყავი. თუმცა ამით არ ვამბობ რომ კიდევ არ წავალ საზღვარგარეთ. მე ყოველთვის ვსტუმრობდი უცხოურ ქვეყნებს და შემდეგშიც ასე იქნება... სპეციალისტი ყოველთვის სიახლის ძიებაშია...
_როდის დაუბრუნდებით სამსახურს და როდის განაახლებთ პაციენტების მიღებას?
_ფაქტიურად ჩამოსვლის დღიდანვე დავიწყე აქტიურად ფიქრი, რომ მალევე აღმედგინა პაციენტების მიღება. ორგანიზაციაში მცირე ცვლილებები შევიტანე და ამჟამად ყველაფერი წესრიგშია. დაწყებული გვაქვს მიღება. ვისაც სურვილი აქვს გაიაროს მკურნალობის კურსი, დარეკავს ნომერზე: 205051, 899501578 და ჩაეწერება მიღებაზე. 
_რა ცვლილებები შეიტანეთ? 
_შევცვალე მუშაობის სტილი. აგრეთვე, ძველი თანამშრომლების ახლით ჩანაცვლება განვახორციელე... დროის სხვა გრაფიკით ვმუშაობ. 
_რა სიახლეებია თქვენს კარიერაში? როგორც ცნობილია, მოსკოვში ორ ახალ პროფესიას ეუფლებოდით. უარი თქვით მსახიობობაზე და ფოტომოდელობაზე?
_სიახლეები ნამდვილად ბევრია, რისთვისაც უდიდესი მადლობა მინდა გადაუხადო ქალბატონ მზია კვირიკაშვილს. მისი დამსახურებაა ხელოვნებაში ჩემი პარალელურ რეჟიმში გადასვლა. არა, ნამდვილად არ ვაპირებ ამ დიდ სიამოვნებაზე უარის თქმას... ყოველთვის ვამბობ, რომ ჩემი ბავშვობის ოცნება ამიხდა და ვფიქრობ ყველაფერი ჩემზეა დამოკიდებული... მოსკოვში 5-ფილმში როლზე დამამტკიცეს და სამწუხაროდ კრიზის გამო ხუთივე ფილმის გადაღება შეწყდა. გვითხრეს რომ უნდა დაველოდოთ და აუცილებლად გაგრძელდება. მეც ველოდები. არა მგონია დიდბიუჯეტიანი ფილმები სანახევროდ გადაიღონ და მერე საერთოდ მოხსნან. მითუმეტეს ყველა მსახიობები ხელშეკრულებით ვართ აყვანილი. 
_ვიცი, რომ ამერიკიდან გქონდათ შემოთავაზებები, პარაფსიქოლოგიური ცენტრის დაარსებასთან დაკავშირებით. უარი უთხარით?
_მართალი გითხრათ, ხშირად მაქვს სხვადასხვა ქვეყნებიდან მოწვევები _ მთხოვენ მათთან დარჩენას, მაგრამ ძნელია, როდესაც შენს ქვეყანაში ყველა გიცნობს და რეიტინგული ხარ _ წახვიდე ისეთ სახელმწიფოში, სადაც ყველაფერი თავიდან უნდა დაიწყო. 
რათქმაუნდა უარი ვთქვი. თან აქ სხვა სიახლეები და საინტერესო შემოთავაზებები მაქვს. უკვე მოვამზადეთ სატელევიზიო პროექტი, რომელიც აუცილებლად გავა ერთ-ერთი რეიტინგული არხის ეთერში. ჩემთან ერთად საკმაოდ ცნობილი ტელე-სახეები ამ საინტერესო თოქ-შოუს გაუძღვებიან. გარდა ამისა, მხატვრულ ფილმს იღებს ქართველი რეჟისორი _ როლზე უკვე დამამტკიცეს... აგრეთვე, სხვა რეჟისორებთან მაქვს მოლაპარაკებები. ვიმეორებ, მირჩევნია ჩემს ქვეყანაში ვიყო. თუ სადმე წავალ მხოლოდ დროებით... 
ამერიკის პარალელურად ვთანამშრომლობ ევროპის ქვეყნების პარაფსიქოლოგიურ ცენტრებთან და წელიწადში რამოდენჯერმე ჩავდივარ სამუშაოდ, მაგრამ არა დიდი ხნით, მაქსიმუმ 40-45 დღით. 
_თქვენ "ღია ბოქლომს" ექსკლუზიური ინფორმაციების გამხელას შეჰპირდით, რატომ წახვედით საქართველოდან? 
_ამის საბაბი ნამდვილად მქონდა. იმ პერიოდში აუცილებელი იყო ჩემი ქვეყნიდან გასვლა, რადგან სრულიად დაუცველად ვგრძნობდი თავს. როგორ ფიქრობთ სპეციალისტი, რომელიც ხალხს ეხმარება და ზრუნავს ადამიანების კეთილდღეობაზე, როგორ შეიძლება სამჯერ გაიტაცონ, ორჯერ მოწამლონ, დაემუქრონ და შვილები გასტაცონ?! არ შეიძლება მუდმივად საკუთარ ქვეყანაში დაცვით ვიარო! 
ჩემი დაარსებული და დაფინანსებული საქველმოქმედო ორგანიზაციიდან ხომ ვერ მეტყვით ვის აქვს იურიდიული უფლება ამიკრძალოს გაჭირვებული ხალხის დაფინანსება?! გეგონება თვითონ მაფინანსებდნენ. რომელი ერთი გითხრათ. მაშინ როდესაც გრანდიოზული ტირაჟით გამომავალი ჟურნალი ,,რეალური სამყარო" და გაზეთი ,,კამარა" დავაარსე დამირეკეს და მითხრეს თუ მილლიონს არ გადაიხდი მუშაობას ვეღარ გააგრძელებო. ეს არის დემოკრატიული ქვეყანა?! ჩემს ადგილზე ერთი წუთით არ გაჩერდებოდა აქ არცერთი ადამიანი.
 სამშობლოში დაბრუნებით კიდევ ერთხელ მინდა დაუმტკიცო იმ ადამიანებს, რომლებიც მე მზღუდავდნენ, რომ არსად გავქცეულვარ. მე საქართველოში ვიყავი, ვარ და ვიქნები ყოველთვის. ღიად ვაცხადებ რომ დუმილს არ ვაპირებ... ეყოთ რაც ჩემთან ,,ჭამეს" ეხლა ეგ არ გაუვათ.  
_საინტერესოა, დღესდღეობით საქართველოში არსებულ პოლიტიკურ ვითარებაზე რას ფიქრობთ?
ალბათ ძნელი მისახვედრი არ უნდა იყოს ის, რომ მე ოპოზიციას ვუჭერ მხარს. მაგრამ ხაზგასმით ვამბობ, რომ ოპოზიციაც ცალკე სალაპარაკო თემაა... არასოდეს ვყოფილვარ პოლიტიკაში ჩარეული და ყოველთვის ვცდილობდი ნეიტრალური პოზიციის შენარჩუნებას, მაგრამ ფაქტი სახეზეა. ყოველთვის თვითონ ცდილობდნენ ჩემს სამყაროში უკანონოდ შემოჭრას. აქ ხომ არავის ახარებენ... ბოლოს და ბოლოს იძულებული გავხდით გადავიდეთ ოპოზიციაში. ჩემი ობიექტური აზრია გადადგეს სააკაშვილი და თან წაიყვანოს მის მიერ გამოზრდილი ლეკვები, რომლებიც ხალხს დღისით და მზისით უნამუსოდ ძარცვავენ. მინდა იმ ხალხს ვუთხრა რომლებიც ამბობენ რომ მე სააკაშვილი მფარველობს და თურმე მას ჩემთვის სახლი და ავტომანქანა VIP-ი ნომრით ,,LOMAIA" საჩუქრად გადმოუცია (ეს აბსურდია), რომ სინამდვილეში სააკაშვილმა და მისმა კლანმა სახლი გამაყიდვინა... გაუკვირდათ საიდან აქვს ლომაიას ამხელა თანხაო... სხვათაშორის დღესაც ვინახავ დოკუმენტებს რომელიც ამტკიცებს რომ სახლი კრედიტით შევიძინე.  
_ბატონო ირაკლი, ამჟამინდელი საქმიანობის შესახებ გვიამბეთ.
ჩემთვის მთავარია, თითოეული დაწყებული საქმე, როგორც პარაფსიქოლოგიაში, აგრეთვე კინო-ხელოვნებაში მივიყვანო ბოლომდე. როგორც მოგახსენეთ ვმუშაობთ ახალ პროექტზე და ვამზადებთ თოქ-შოუს; ვახორციელებ პაციენტების მიღებას. მალე მხატვრული ფილმის გადაღებაც დაიწყება... მოლაპარაკებებს ვაწარმოებთ ქართველ და უცხოელ რეჟისორებთან. 
_როგორია ირაკლი ლომაის სამომავლო გეგმები?
_ხომ გავხდი საქართველოში პარაფიქოლოგიის მამა? მანამ არ მოვისვენებ სანამ კინო ინდუსტრიის მამა არ გავხდები (იცინის). გარდა ამისა სერიოზულად ვაპირებ აღვადგინო ჩემი ორივე გამომცემლობა, როგორც ჟურნალი, ისე გაზეთი... ვფიქრობ, უკვე დრო მოვიდა დავიწო ჩემი წიგნის მეორე ტომზე სერიოზული მუშაობა.
_თქვენ ხართ ავტორი წიგნისა კარმულ დიაგონსტიკაზე "სიცოცხლის წყურვილით", როგორი რეზონანსი მოჰყვა მას?
_ფანტასტიური... დღესაც მიკავშირდებიან და მთხოვენ წიგნს, რომელიც გრანდიოზული ტირაჟით გაიყიდა. ვფიქრობ ახლა დამატებითი ტირაჟი დავბეჭდო. ამ წიგნმა დაამტკიცა, რომ ტყუილად არ მიშრომია... რაც კიდევ ერთხელ მაგრძნობინებს სიცოცხლის წყურვილს. Aამ ეტაპზე კი წიგნით დაინტერესებული არიან ბრიტანელი და რუსი გამომცემლები. 
"სიცოცხლის წყურვილით მსოფლიოს ხუთი ქვეყნის დიდი მოწონება დაიმსახურა... 
_თქვენს წარმომავლობაზეც გვითხარით ცოტა რამ. მეგრელი ხართ ხომ?!

_უპირველეს ყოვლისა ვარ ქართველი და შემდეგ კი კუთხურად _ "მარგალი კოჩი" (მეგრელი კაცი) (იცინის). სხვათაშორის ზოგიერთებისაგან განსხვავებით მეამაყება, რომ მე სამეგრელოს ულამაზესი კუთხიდან _ სენაკიდან ვარ. ნორმალურ ქვეყანაში რომ ვცხოვრობდეთ და რაიონშიც იყოს საარსებო წყარო, გეფიცებით დიდი სიამოვნებით დავრჩებოდი სენაკში... ძალიან ბევრი ახლობელი და მეგობარი მაყვს ზუგდიდში, ხობში, ლესიჭინეში, ფოთში, აბაშაში, ჩხოროწყუში. თითქმის ყველგან... საქართველო ხომ ძალიან პატარაა და ალბათ არავის ეწყინება ღიად დავაფიქსირო პოზიცია, რომ სამეგრელო განსაკუთრებით მიყვარს. ვეფერები ყველას, ძალიან მიყვარხართ!

ჟურნალი "ღია ბოქლომი" # 12 
ივნისი. 2009 წელი

ილია ჩაჩიბაია



[ ... ]